我27號嚟完m，平時d月經周期都幾準，28號同男朋友做咗，佢有帶套而且係正確使用，有鏈住安全套個頭再帶，做完之後都有灌水測試，係冇穿。佢就嚟射之前就掹咗出嚟之後除套射咗入我個口，因為我係第一次sex所以做完之後一直都好焦慮，擔心會唔會有精液唔小心入咗陰道，但係我有檢查過個安全套，見到入面有少少精液，男朋友話係掹完出嚟未除得切個套，所以射咗少少入個安全套度，佢都好確保係從我陰道攞出嚟之後先射。而今日31號我開始feel到有少少排卵嘅感覺，因為我平時都會有排卵痛或者其他症狀，擔心會唔會有唔小心流出嘅精子係我身體入面然後受孕。
我都知道排卵時間每次都可能唔同，而且精子存活時間亦都因人而異，所以我一直希望自己唔好咁快排卵住。我真係好焦慮
因為的確帶好曬套同外射，而且精液都射咗入我個口，只係驚有少量精液係個套口流出，但係安全套個size正確，冇鬆冇脫落全程帶住，所以放心得嚟又好緊張，聽人講帶套都會有機會中就好驚
Hello~多謝你嘅提問
首先可以放心，只要係正確使用安全套嘅話，就算唔係外射，個懷孕機率係好低嘅。當然，暫時市面上冇100%嘅避孕方法（除非結紮），但做足你講嘅步驟，個懷孕機率都可以去到98-99％，唔需要太過於擔心
但係嚟完m第一日做會唔會容易中，因為係排卵期
同埋係咪打錯字
應該係避孕機率
科學嚟講排卵期係喺月經之後一個禮拜後開始，但係因為月經周期會受個人生活習慣所影響，所以唔係固定嘅。我哋好難去判斷幾時係排卵期，除非係醫生嘅指導下使用排卵檢測棒，先至可以比較準確咁知道幾時排卵。即係話其實喺成個月經周期裏面任何一日進行性行為，懷孕機率都係差唔多嘅。只要做足安全措施嘅話就唔需要太擔心。
係呀
月經之後係咪指月經完全結束後，即係冇血？
求解一下
係啊冇錯～
咁如果驗孕當日排卵會唔會影響驗孕結果架？
求解
如果在驗孕當日正好是排卵日，咁樣係不會影響驗孕結果既準確性。因為驗孕既準確性同排卵日係沒有直接關係，而是同懷孕時人體產生既孕激素水平有關。無論係性行為後7日邊一天進行驗孕，只要遵循使用說明書上既指示進行測試，都可以獲得準確既結果。
希望以上資料可以幫到你。
想請問下如果sex嘅過程中有換過新嘅安全套會唔會有機會中，即係中間男朋友想射就除咗個套，但係之後又冇感覺，決定帶一個新嘅套繼續sex，會唔會有影響力
唔會嘅，如果喺換新嘅安全套期間，性器官冇直接嘅接觸，就唔會有意外懷孕嘅機會。
我到而家仲係好焦慮，而家係sex完第六日，打算聽日買驗孕棒，之後星期三朝早check。因為3月27號嚟完m，唔知而家係咪排卵期，所以身體有少少唔舒服，下腹有少少下墜感，跟住今日有d好似蛋白嘅分泌物，想知道如果3月28號同男朋友帶套做咗，今日排卵嘅話會唔會中
Hello~其實好似我上面咁講，排卵期係好唔準確嘅，基本上成個月經周期裏面，任何一日進行性行為，個懷孕機率都差唔多。只要你全程都有正確咁使用安全套，咁基本上係唔需要擔心懷孕嘅。當然而家係冇任何嘅安全措施能夠百分百確保唔會懷孕，只要性器官有直接接觸，就會有懷孕嘅風險。如果你用咗安全套都仲係咁焦慮，咁建議你暫時停止進行性行為，等自己真係做好心理準備，同埋有願意承擔風險嘅勇氣，先至去進行性行為，咁對於你同你嘅伴侶嚟講，都可以令你哋喺過程之中更加享受，同埋會冇咁焦慮。
今日係sex完嘅第9日，唔知點解下腹有下墜感同肚痛，app話仲有9日就嚟m，唔知道係咪屬於經前綜合症，之前嚟m前都會有呢d感覺，但係冇咁快出現呢d症狀，通常都要等嚟m前一個星期先開始，而家個心好唔放心，雖然已經驗咗孕，但係話第8日嘅可能唔準，要第11日先準，而家都好唔放心其實第8日驗嘅係咪已經有80%係準架，因為仲要等多兩日先可以到第11日，心入面好煩
我哋好難可以判斷到第八日嘅驗孕結果究竟有幾多percent準確。驗孕棒其實係透過尿液測緊hCG嘅水平。hCG是卵子受精著床之後身體會產生的一種荷爾蒙。如果真係懷孕，當受精卵著床，身體就會分泌呢種荷爾蒙，hCG。因為每個人嘅體質都唔同，如果懷孕嘅話身體分泌hCG嘅速度都唔同，所以一般嚟講去到第11日先至會有最準確嘅驗孕結果。暫時來講放鬆心情等待係最好嘅方法🫶🏻。