如題???
與性工作者
hello 你好啊
首先，性病主要嘅傳播途徑透過體液，例如精液、腸液、尿道球腺分泌（Pre-cum）、陰道分泌、血液，接觸過身體比較薄嘅黏膜組織，例如肛門、口腔、陰道，或者傷口就有機會傳播到病毒。
口交時正確使用安全套可以有效咁避免感染性病嘅，因為唔會直接接觸到黏膜組織，所以感染風險係好低嘅。手交方面，單單只係用手接觸過你嘅皮膚，即使你附近有傷口都好，而佢係冇傷口嘅話，都係唔會傳染到性病嘅。除非個位性工作者嘅手都係有流血嘅傷口，咁先有機會傳染到。
同樣地，如果你嘅乳頭同陰囊、對方口腔都無開放式傷口，咁感染性病嘅風險都會比較低。
總括而言呢個都係一個相對地低風險嘅性接觸。
會傳染到性病嘅前提係對方都有性病。但係我哋都唔應該預設左對方從事性工作，就一定會有性病。相反，正正因為對方從事性工作，佢哋好多時都更加着緊自己嘅身體，一來都關乎自己身體健康，二來亦都會影響佢哋謀生。