我都好煩惱,我唔想食避孕藥
Hello~ 見到你嘅描述，你係咪經期唔穩定，所以透過食避孕藥去調經？或者方唔方便透露你係食乜嘢藥？
如果可以嘅話，都希望可以知多少少本身經期嘅情況～ 以下先簡略回答下一般嚟講可能係咩情況：
如果唔係長期遲來經（即月經週期普遍超過35日），只係近期嘅事，就可能關一啲日常生活嘅因素影響，例如生活習慣改變、心理壓力大、病咗服食過藥物（例如抗生素）等等，咁可能可以先留意吓自己近期身心狀況如何，照顧咗自己先：）
但係本身如果月經週期長久以嚟普遍超過35日，甚至去到四季經（3個月先嚟一次）嘅程度，都會建議你去睇一睇婦科，做一啲檢查睇吓有冇啲咩婦科情況（例如多囊卵巢症）導致荷爾蒙失調，繼而導致經期不穩～ 如果知道實際情況係點，醫生都會可以提供到多啲方法，例如冇避孕作用嘅調經藥、催經藥、催經針等～
最後，市面上雖然好易買得到避孕藥，但係唔係每一隻藥都適合每一個人，所以最好都係諮詢一下醫生嘅意見呀～
希望以上回覆幫到你：）
我自己多囊卵巢症,睇咗婦科
上次係睇西醫食藥先來
今個月就唔知
好似上面同事所講，多囊卵巢症會導致荷爾蒙失調，繼而導致經期不穩，你上次睇婦科醫生嘅時候佢有冇講啲乜？或者根據你嘅情況，佢有冇建議再開藥俾你食？
都係繼續記得經期日子,醫生都建議我食藥
但我冇食
或者你介唔介意分享吓點解你唔想食藥？你最擔心嘅係啲咩？
食完好肥,同埋對心臟唔好
朋友都食咗好耐藥以加停咗冇食
因為檢查到有事
希望這個月自己都識來m
明白你會有憂慮同埋擔心嘅地方，呢方面你都可以同醫生講，睇吓有冇其他方法可以改善而家嘅情況～
同醫生講咗都係叫我食避孕藥
我身體唔舒服食咗藥可能要等下在來啦
見到你其實都有唔少嘅顧慮，雖然想自己月經準時，但係又擔心食藥嘅副作用
。因為我哋唔係好清楚你而家身體嘅狀況，同埋食藥對你嘅影響，所以我哋都唔可以幫你決定究竟食唔食好。你會唔會喺下次見醫生嘅時候問多少少關於食藥嘅好處，同埋唔好處？因為始終每個人嘅體質都唔同，避孕藥亦都有好多唔同嘅牌子同埋種類，你朋友嘅情況亦都唔能夠作準。所以問返醫生嘅意見，應該係最好嘅。可以問吓佢如果選擇食藥嘅話，最好同最差嘅情況係點，而如果唔食藥嘅話，又會發生咩事，同埋自己除咗食藥同唔食藥之外，會唔會仲有其他嘅選擇等等。都可以幫到你更加好咁審視自己而家嘅情況～
當然如果身體真係唔舒服嘅話，就暫時唔好諗呢樣嘢住，畀自己好好休息吓先。係做呢個決定之前都可以問埋身邊嘅人嘅意見，或者搵自己信任嘅人同你一齊去見醫生，都可以比到多啲支持自己。U are not alone🫶🏻
其實有冇人試過我以為係來m
但結果唔係，好似岩岩去廁所係以為m
點知在去廁所時候又唔係Wo
來咗少少之後冇
其實患有多囊卵巢症嘅人都可能有類似嘅情況，而因為呢個病係好難單靠調理身體去解決嘅，所以都建議你同醫生商量，探討下而家有邊幾種可以選擇嘅方案去改善你嘅情況，咁應該可以減低你嘅困擾
🫶🏻
係真來咗經,都唔洗藥
如果唔使食藥都已經嚟咗月經嘅話，咁當然係最理想嘅，不過如果想月經可以規律啲，咁可能都要考慮返食藥啦！