想問我本身就第一次同女朋友做，但係做果時我唔係幾搵到個洞，所以我都唔知係咪入咗，其實咁樣第一次對處男來講係咪正常？
你好～ 咁樣係正常架～ 因為話晒都係第一次，無論係實際嘗試實踐定係喜好探索都係剛剛起步，所以有疑惑同唔確定都係好正常～ 呢個時候需要嘅係溝通，可以感受、了解同分享吓大家嘅情況同感受～ 咁樣無論進行期間有冇蝦碌嘢發生，都會令雙方更加親密，而隨著溝通亦可以令性愛更加美滿：）
實戰嘅建議上，陰道口嘅位置可以參考下圖：
喺插入前可以先嘗試指交，咁就更容易知道陰道口嘅位置，亦可以令陰道口肌肉放鬆，同埋刺激女性分泌物，咁陰莖都會更易進入～
如果過程中有唔確定，可以邀請伴侶帶領你嘅陰莖進入，或者問吓佢感覺如何，就比較容易了解狀況同埋確定大家狀態同步喇～
希望以上回覆幫到你 