我早幾日自慰發現射精時只係流出嚟，冇射出嚟嗰下。我休息咗幾日後再嚟過，發現係同樣情況。琴晚情況係：第一次有射嘅感覺時係完全冇野出，我繼續自慰先至有精液流出，無射出。
我係最近一兩星期先發現會咁，本身頻率唔算高，兩三日一次。想問下點解會咁，同埋有冇得救
你好，睇左你既問題，首先你唔使咁擔心，我地都想了解一下，你以往自慰時射精，精液係射出來還是流出來?因為男性自慰時，好多時時間都比較快同短，性刺激亦沒有在性行為時長久，所以自慰時射精精液較多係流出來。
而影響男人射精既射程有以下原因：
1.肌力：跟射精有關的肌肉較沒力有關，例如：肥胖或者是久坐辦公室，平時運動量少，嗜好肥甘厚味，久而久之，會導致與射精有關的肌肉薄弱無力。
2.性興奮：性興奮不夠強，大腦並沒有被完全激活，大腦射精反射難以充分傳達，因此沒有完成射精的過程。
3.焦慮：在性行為或自慰時，有其他事情擔心，如：工作、家庭經濟、擔心自己不夠硬、其他生活事宜等，呢啲焦慮心理因素會干擾大腦既性生活調節能力，也會導致射精無力。
我建議你可以先放鬆些唔好給予自己太大壓力，再觀察一下近期的性表現，如果持續無力射精或射精時沒有精液，那有可能係逆行射精，那你需要尋找醫生檢查同治療。
希望以上資訊幫到你。
Hi.
我之前係有射出嚟，但係前一個星期比較忙，冇自慰到，到再自慰時就到上述嘅情況，之後自慰所需時間明顯耐咗好多。
hello你好啊
見到你都有提到最近比較繁忙，可能壓力較大，所以導致射精無力，情緒對身體狀況有好大嘅影響咖，可以嘗試放鬆心情，俾自己休息一下。
正如上面同事所講，依個情況有可能係由肌肉沒力導致嘅，其實都有啲日常訓練係可以鍛鍊相關肌肉嘅，例如凱格爾運動，可以訓練骨盤底肌。首先可以試下去小便嘅時候嘗試中斷尿流，中斷時用力嘅位置就係骨盤底肌。當你搵到骨盆底肌位置之後，可以係日常唔係去小便嘅時候，試下每日練習。一開始可以嘗試收縮嗰組肌肉5秒，然後放鬆5秒，咁樣為之一組，重複呢組動作10次。然後當身體適應咗，可以再加長加多鍛煉嘅時間同次數。 希望以上資訊幫到你。