緊急避孕藥同抗生素一齊食好驚

你好啊我今年16歲上次月經係2月14號 平時M到都唔準時:pleading_face:
琴日同男朋友做左,佢帶咗套但係好似帶得唔啱,安全套裏面嘅空氣整走,佢帶住套射係裡面。雖然帶左套,但係我好驚,所以我去咗家計會度食左事後避孕藥,但係我同事又食緊抗生素胃藥氣管敏感藥(不過呢d藥今日係最後一日食)
就係想問一下咁多藥一齊食會唔會避唔到孕?:pray:t2:
我食個隻抗生素係augmentin1g 食左三日

Hello~呢度想問吓你有冇將緊急避孕藥同抗生素錯開時間服用?因為其實任何藥物同避孕藥混合服用嘅話,都會影響彼此嘅藥效,盡量長啲時間服用可以喺最大程度上減低影響。不過睇返你嘅情況,因為你哋都有正確咁使用安全套,所以懷孕機率係好低嘅,就算唔食事後丸都唔太需要擔心懷孕。

如果真係好擔心,可以喺性行為之後嘅7日用驗孕棒進行驗孕,到時會有初步嘅結果。而喺性行為之後嘅11日,或者月經遲咗7日以上再驗孕嘅話,個結果就最準確啦!

我係上晝12點幾食嘅抗生素,喺下晝嘅1:45差唔多兩點嘅時候食嘅緊急避孕藥。
同埋,我全日下面得好少分泌物,又小小擔心:pray:t2:
仲有避孕藥我食嘅係72小時個隻
佢睇到嘅副作用,我一樣都冇,唔知係唔係正常呢?

安全套個度打錯字,戴嘅時候冇整走套裏面嘅空氣
用完套之後,又冇確認有冇整穿, 而導致而家仲係有少少擔心

如果咁樣嘅話,兩隻藥服用嘅時間相隔係有啲近嘅。你可以留意吓食完事後丸嘅2-7日有冇出血嘅情況。通常食完嘅一個禮拜內會出現撤退性出血,出血量同日數會同月經差唔多,咁基本上可以確定事後丸有發揮到作用。不過當然,都有一小部份人係食完事後丸之後完全一啲副作用都冇嘅。如果想知有冇發揮到作用嘅話,好似上面咁講,可以喺性行為之後嘅7-11日進行驗孕,7日之後驗孕嘅話會有初步結果,而11日之後驗嘅話個結果就最準確啦!如果個結果係陰性嘅話,咁就代表係冇懷孕。

最後呢度都補充番安全套正確嘅使用方法俾你:

  1. 分清楚安全套嘅正反面先使用。如果唔小心將安全套反轉咗,就要開過一個新嘅安全套黎用。因為陰莖一旦唔小心接觸咗安全套出面,佢就已經被沾污,一定要用過個新嘅。
  2. 留意安全套有冇過期,唔好使用過期嘅安全套。
  3. 喺撕開包裝之前要檢查包裝有冇漏氣,打開之後要將安全套頂部嘅氣泡擠走先戴上去,留空間畀男性儲存精液,減少破裂嘅情況。
  4. 絕對唔可以做了一半後才戴套,因為男性喺射精之前已有少量嘅尿道球腺液流出,裏面含有少量精子,都會增加懷孕嘅風險。
  5. 做完之後,記得要喺陰莖仲勃起嘅時候抽出陰道,再將安全套拔出。檢查安全套有冇破裂後,再打結扔掉。

暫時市面上冇100%嘅避孕方法(除非結紮),但只要做足以上嘅措施,個懷孕機率都可以去到98-99%,只要下次留意番嘅話,係唔需要太過於擔心:two_hearts::two_hearts:

我想問買驗孕棒有冇年齡限制?有d怕尷尬:face_holding_back_tears:

驗孕棒一般係大型嘅連鎖商店都可以買到,例如萬寧、屈臣氏等,買嘅時候係冇年齡限制嘅,所以可以放心。如果驚尷尬嘅話,而家好多商店都有自助付款機,可以自己行埋一邊俾錢,唔需要經過店員,你都可以考慮使用~

1個讚

唔該曬啊,不過仍然有的問題就係呢我不嬲d經期都唔準驗孕棒係應該係我有性行為後7-11日驗定係經期遲jor先驗呢?
(我d經期大概係三個月一次
距離下次m到應該仲有一個幾月:frowning:

可以喺性行為後7至11日進行驗孕,因為驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。

1個讚

你好啊唔好意思有麻煩你地:pray:t2: 今日我終於嚟M啦不過d血係淺粉紅色又好似唔係月經咁多血所以想問係著床出血定純粹因為嚟M第一日呢?:pray:t2::pray:t2:
同埋著床出血大概係點樣?:pray:t2::pray:t2:唔該

Hello~著床出血係指當受精卵着床喺子宮壁嘅時候有機會造成嘅少量出血,通常只會有幾滴或者最多一塊護墊可以承載到嘅血量,而且係一次性,唔會持續地出血幾日,血嘅顏色亦會同月經嘅唔一樣。一般由受精到着床大概係性行為後六至九日就會發生。而着床性出血並唔係一個常見嘅現象,即使真係因為懷孕都係只有少部分女性會出現嘅情況。 建議你可以觀察多幾日先,如果血量變多或者持續出血咗2-3日,咁就應該係嚟M,唔係着床性出血。

1個讚