我同女朋友喺星期日做完發現有啲精液喺外面所以星期一陪佢去咗診所開事後藥,佢今日發現佢分泌物有黃色,想問下係咪唔正常,我好擔心佢
Hello~分泌物嘅顏色同服用事後丸係冇關係嘅，唔屬於副作用嘅問題。分泌物變色多數係因為細菌/念珠菌感染，正常情況下身體嘅免疫系統係可以進行自我防護嘅，唔需要睇醫生食藥，但係如果情況嚴重，出現性器官痕癢灼痛嘅情況，或者分泌物嘅顏色、氣味、質地變得異常，例如出現黃綠色嘅分泌物，質地變成蛋白豆腐渣狀，或者有魚腥味等，咁就要睇醫生啦！
好呀 唔該晒
,我女朋友話淨係得分泌物顏色變咗黃色,冇其他症狀 唔該晒
1個讚
hello 我仲想問下食完事後會唔會對佢心情有影響
因為事後丸係高劑量嘅荷爾蒙藥物，所以係有機會令到服用嘅人情緒唔穩定。不過呢個副作用大概會喺1-2個星期內慢慢消失，所以唔需要太擔心。
我見佢依家情緒好唔穩定,但係我依兩日又喺唔到佢身邊陪佢,我可以點做
一個人情緒唔穩定嘅時候，其實最需要人嘅，明白，可能因為生活比較忙碌，冇辦法喺女朋友嘅身邊陪住佢。不過都可以透過手機message，打電話或者video call呢啲方法去關心同埋安撫對方嘅情緒。叫外賣送對方鍾意食嘅嘢俾佢都係一種唔錯嘅方式，可以叫啲甜品俾佢，因為甜嘅嘢食可以令到人腦分泌多啲安多芬，可以令人開心啲。你都可以考慮為佢嘅生活製造一啲小驚喜，例如叫外賣送花俾佢（如果佢鍾意花嘅話～），或者根據佢嘅喜好，製作小手工，例如卡片錄音唱歌之類，相信佢一定感受到你嘅愛嘅🫶🏻
不過佢唔想同人溝通個人仲好負面
我真係好擔心佢
都明白嘅～一個人唔開心嘅時候，可能會將身邊嘅人推開。但係就係呢啲時候，最需要人哋關心。如果佢未必想同你傾偈，你可以簡單咁問吓一啲factual嘢，例如食咗飯未？，或者交代自己做緊咩等等。呢幾日忙完之後，記住帶佢鍾意嘅嘢，例如佢鍾意食嘅小零食，一齊去搵佢，代表你有一直對佢上心。呢種俾人捧係手心裏邊嘅感覺，相信可以舒緩一下佢嘅情緒嘅～
好呀,唔該晒,麻煩到你咁多
1個讚