Hello
我由2020年二月開始食避孕藥，食到2022年5月就停左
未食藥前既M不嬲都唔太準，但係2020年前都試過食一兩年後停藥，當時既M最多可能都係遲一兩個月
今次停藥後一直無問題，同食緊藥一樣準時，我重以為就算停左藥都可以keep到準時個個月一樣，直到2022年10月突然開始唔準，10月頭黎完一次，再下次黎已經係2022年12月尾
之後就無黎過M，中間有段日子係好大壓力日日都喊所以都可能有影響
同埋有卵巢多囊症，睇過醫生淨係叫我唔可以肥
咁依一兩年我都真係肥過以前，可能都關事
有無可能咁耐唔黎係關停藥事？係咪應該食返藥？
Hello~根據你嘅情況，你月經遲嚟應該係因為有卵巢多囊症。因為患有卵巢多囊症嘅病人最主要嘅特徵就係月經唔規律，甚至乎會冇月經，肥胖都係佢嘅其中一種併發症，所以醫生同你講唔可以肥應該係想減低呢個病對你嘅影響。基本上有呢個病嘅人係好難會有規律嘅月經嘅，除非服用避孕藥。所以你月經遲遲都唔理，應該係因為停咗藥，身體變返之前冇食藥嘅時候咁樣，所以先會唔準
。呢度都想問返你停藥嘅呢個決定你有冇問過醫生嘅意見？定係係自己決定停藥嘅？因為暫時都唔清楚你嘅身體係需要定係唔需要食藥，所以建議你搵返之前同你睇多囊嘅醫生複診，同佢講返你嘅情況，再一齊商討究竟要唔要食返藥。
係自己決定既，當時都唔係醫生叫我食
係我自己當時為避孕而食
個陣只係身體檢查所以應該搵唔返佢啦
但係依個病會停埋經？
肥就可能有關係，但係我都食多左野既
停藥係因為驚長期食藥對身體唔好
但係印象中之前停藥都唔會無黎M咁耐
所以個病係會愈黎愈嚴重？
首先，我地都建議可以睇醫生，由醫生判斷你嘅情況，需唔需要食避孕藥。
卵巢多囊症嘅病徵包括體重增加、月經不調、延長或不頻繁、面部、背部或臀部毛髮過多等等，你經歷緊嘅月經遲嚟都好大機會係因為有卵巢多囊症。口服避孕藥同控制體重都係其中一種嘅治療方式嚟嘅，口服避孕藥含有雌激素及黃體素成分，黃體素可以抑制子宮內膜的異常增生，而雌激素能抑制黃體生成素的分泌，藉此降低雄激素的作用（可治療體毛過多及痘痘過多的症狀），通常為多囊性卵巢的前線藥物。如果可以配合其他改善體質的方式，對於多囊問題才能真正的達到幫助，例如控制體重就可以改善因肥胖而引起的多囊性卵巢，無論食唔食藥都好，控制體重都會有幫助嘅，讓患者產生規律的月經，有需要嘅話，都可以去家計會嘅青少年保健中心，詳情如下：https://www.famplan.org.hk/zh/our-services/clinic-services/youth-health-care/fee