本身自己有自慰習慣 自己平時會摔陰蒂多過手指插入陰道 會容易啲高潮 不過好似有d頻密 如果冇嘢做可以一日自慰三次 可能平時壓力大la
而今日係完m第二日 發覺訓低自慰嘅時候右腹或者左腹有好好好輕微嘅悶痛 好似俾嘢gum住咁 唔知係因為咩原因 會唔會係因為自慰期間keep住縮肚所以搞到有呢種感覺？痛就唔係好痛 唔似m痛嗰種 係好似有隻手指輕輕按住左或者右下腹 真係好輕微 影響唔大 不過都擔心所以想問下
想問如果兩邊下腹有呢種感覺 會唔會關平時坐姿或者睡姿事？因為最近坐得比較多 睡姿習慣攬住男朋友側睡 定係因為自慰太多或者姿勢唔啱所以咁？
.
同埋八卦問下子宮抹片20歲可唔可以做？不過我同之前有個投稿女仔一樣 小學已經打左兩劑九價疫苗 不過網上有人話疫苗功效得7至8年 年幾前又試過無套性行為 之前都試過去社會衛生科body check 醫生話見唔到下體有粒粒或者椰菜花 但係都想有個保障 所以想得閒再驗多次 過程係點？幾錢左右同埋安唔安全
?
Hello你好啊
睇翻你嘅情況，好可能係由子宮收縮引起嘅，因為高潮會刺激到子宮，所以造成收縮，就會有小腹痛嘅感覺，唔需要擔心嘅，依個情況係會慢慢減輕嘅，不過如果keep住長時間都痛，而且痛嘅應覺好明顯，就有可能需要睇醫生喇。
因為HPV九合一疫苗上市時間較短，所以而家都冇一個確實答案可以回應到到底實質嘅有效期係幾耐，不過一般HPV疫苗有效期達八年或以上。有性經驗後就可以做柏氏抹片檢查咖喇，唔同地方嘅收費、檢查項目、種類，數量都唔同，而柏氏抹片檢查就主要check子宮頸癌，以家計會為例，家計會青少年診所收費係$460 (居港權人士) / $610 (非居港權人士)，亦都有性病普查嘅，詳細價錢可以上依網站睇： https://www.famplan.org.hk/zh/our-services/clinic-services/youth-health-care/fee
如果你比較擔心性病方面嘅問題，建議你可以選擇去以下機構做免費嘅性病測試。
政府社會衛生科服務診所：各類型性病檢查（較全面，能即時知結果及比藥）
香港愛滋病基金會：愛滋滋病病毒／梅毒／丙型肝炎
再思社區健康組織 (C.H.O.I.C.E.) ：愛滋病病毒／梅毒
*因為最近受疫情影響，建議前往之前，先到相關網站睇下機構有無開～