啱啱男友射完拔出黎嘅時候個套一大半留左係陰道裡面 圓環嘅位係出面 之後即刻拔返出黎 有啲精滴左落床 但我抹過自己屁股同陰道嘅位係乾嘅 個套亦檢查過無穿
想問咁樣懷孕嘅可能性大唔大？使唔使食緊急避孕藥？ 唔該曬
Hello~ 知道你可能擔心自己會有懷孕風險，但係都可以放心，根據你嘅情況，你懷孕嘅機會率都比較低。
不過要先確認返，拔返出嚟嘅時候係咪揸住圓環本身，而拔出嚟嘅動作係咪完全向外？因為如果係嘅話，精液就冇機會漏出繼而接觸到陰道／陰道口／外陰，加上避孕套本身冇穿，咁就唔會有懷孕風險嘞～
你亦都可以回想返，精液係點樣滴到落床的，係因為向下方拔出定係點呢？如果精液滴到床嘅地方距離陰部都有一啲距離，咁就可以唔使擔心了～
當然如果仍然好擔心，可以喺性行為嘅7日之後驗一次孕，咁就會有初步結果；喺性行為嘅11日或之後再次驗孕，就可以得到更準確嘅結果啦。
同時提醒返，喺射精後，最好盡快握實安全套圓環同埋陰莖嘅根部，一次過取出，咁就可以確保處理嘅時候，唔會有機會倒瀉或濺出啦～
希望以上回覆幫到你～