我係男 琴日去左搵性工作者解決生理需要 有套插入 但插入前 曾無套口交 同埋無套磨棍 即係佢用下面磨擦我陰莖 想問下無套口交同無套磨棍 感染性病機會高唔高 依家好擔心
Hello 你好，多謝你嘅提問～
首先想同你解釋返性病嘅傳播／感染途徑：
當高風險體液，例如精液、尿道球腺液、陰道分泌物、腸液同血液，直接接觸到性器官、比較脆弱嘅黏膜組織（例如口腔、肛門、陰道、尿道口），特別係當上面有開放性傷口（正在流血）就會有較大機會可以造成性病傳播。有啲性病亦能夠透過皮膚傳染，例如椰菜花等，所以無套磨棍係有機會傳染性病架，但如果兩者性器官都冇明顯嘅傷口，都算係低風險。
而有啲性病係有機會經口交傳播的，例如梅毒、衣原體、淋病同疱疹，如果對方感染咗呢啲病菌，而且有病徵，口交都會係相對有風險嘅性接觸。
如果你真係好擔心嘅，你可以去進行性病測試。社會衛生科有免費嘅測試，不過要等性行為後3個月「空窗期」後先會有相對準確嘅結果。而一啲私家診所會提供「空窗期」較短，較快出化驗報告嘅測試，你可以根據需要去了解下。
咁樣講好似好得人驚，不過想話你知即使感染咗性病都唔係一件解決唔到嘅事～ 而家大部份性病都可以喺藥物治療下痊癒，只有HIV病毒同部份HPV病毒暫時係無法根治，但係可以喺藥物治療下受控，只要及早發現之後盡快治療，係唔會影響到日常生活架：）
希望以上回覆幫到你～
感謝回覆 如果只是針對hiv 無套口交及無套磨棍 感染風險高唔高 確認當時雙方沒有開夜性傷口
Hello~如果係咁樣嘅話，其實就屬於低風險嘅感染，因為冇涉及高風險體液，所以風險係較低嘅。不過唔係完全冇風險，所以好似上面嗰位同事咁講
希望我哋嘅資訊可以幫到你🫶🏻