手臂突然生痣


今日發現手臂無端端多咗粒痣 , 用指甲嘗試刮走淨係刮到啲啲, 但係生痣嘅位好似越刮越腫, 淨係腫咗啲啲, 到底係咩原因無端端生咗粒好細粒嘅痣?

Hello,你好呀,根據你既相片,你皮膚上生的應該係你所講痣,即係大家所講既癦。癦既形成係由黑色素細胞聚集而成,一般癦除左對外觀有影響外,對健康無影響的。但如果癦短時間變大或者變得凸起,或有變化、流血、疼痛、搔癢等問題,就可能不是一般既癦,需要睇醫生檢查一下,是否有皮膚病變或腫瘤。但暫時睇你既相片似一般普通既癦,所以你唔需要太過擔心。生癦一般係受到後天因素影響,例如日曬、荷爾蒙波動如懷孕、青春期等,都有機會令不同位置既皮膚生癦。
至於你既皮膚腫咗,相信同你用手刮佢有關,你用力刮係有機會令皮膚受傷,或受到剌激而變得紅腫,所以你唔應該再去刮佢,因為癦係由皮膚內面既黑色素浮到皮膚表面,並唔能夠刮甩既。如果你覺得影響外觀,你可以選擇搵醫美醫生用激光或藥水脫癦,不過如果對生活無特別影響,你可以不用理會。
希望幫助到你釋除疑慮,同癦係好普遍既皮膚問題,任何人係任何位置既皮膚上都有機會生癦的,所以唔使太擔心。

明白 不過今日又發現右腳生左呢啲一點點 第一張上少少嘅位仲要有達嘢喺到 唔知咩黎 好頭痛 唔知發生咩事
關唔關呢三日通宵無瞓事?


上網睇過呢啲大機會係黑斑 不過唔知係咪真係呢

Hello~黑斑嘅形成好多時候係因為受陽光照射而老化,同埋好似上面同事咁講,係黑色素嘅沉澱。如果對生活無特別影響,可以唔使理會嘅。因為我哋始終唔係皮膚專科醫生,所以如果你真係好擔心嘅話,建議問返皮膚科醫生嘅意見~