想問 我係上年十一月份 睇左醫生 醫生開左避孕藥比我調經 係21日嗰種 佢叫我按自己嘅情況食藥 但必須要按療程食 一個療程食一個月 我食左四個月 呢四個月黎m正常 冇食一個月之後 三十幾日四十日先黎m 今個月開始食返 係黎m嘅第三日 但第五日就完左 同時做左一次冇帶安全套嘅性行為 之後都有做兩日都係冇帶套 再之後一次做就係食避孕藥七日之後 係咪會有懷孕機會？ 但大唔大 但我身體好差同好虛 懷疑風險係咪會少啲？加上我排卵係好明顯 會腹痛而且大量分泌物
Hello~因為你中間冇食一個月，所以避孕藥嘅藥效需要時間去建立返。即係話你今個月食返嘅時候，頭7日如果有進行性行為都需要配合外用嘅避孕措施。因為你喺藥效未建立好嘅呢7日做咗3次唔安全嘅性行為，所以懷孕嘅可能性係高嘅。就算身體好差同好虛，懷孕風險都係唔會少啲㗎！
如果距離你第一次唔安全嘅性行為未過120小時嘅話，呢度會建議你盡快服用事後丸。因為事後丸係醫生處方藥物，所以如果決定服用，就要去家計會/公立醫院/私家診所索取。
另外，你都可以考慮喺最後一次性行為之後嘅7-11日進行驗孕，7日會有初步結果，11日嘅時候個結果就最準確。