感染了hpv-11,感到十分迷茫

本人26歲,男性.因為有過不安全性行為,驗身後發現驗出hpv-11呈陽性.

現時感到十分無助,有輕生念頭.

我想問一D相關知識.

1.醫生講過,病毒係永遠會潛伏係身體入面唔會斷尾,而網上則有人講只要增強免疫力,再配合某D食物營養,就有可能甩到,請問正確知識係點?

2.hpv-11既菜花病毒,係咪喺菜花位置傳染力特別強?定基本上整個生殖器皮膚都極具傳染性?
因為我想知係咪只要生殖器上無菜花,就代表病毒量已經唔多.

3.我想問係咪打完9價疫苗既女性,我都唔可以同佢發生性行為?因為我聽就算係疫苗,都唔會完全防禦到病毒.若果唔係完全防禦到,大概防禦到hpv-11既幾多%?

4.最壞情況係咪永遠都唔好同人發生性行為,避免傳染人?

仲有我想問埋,我知道女仔幫我口交係會傳染佢,所以唔可以做。但我又可唔可以幫女仔口交呢?我下體有hpv-11病毒,我幫人口交會唔會都傳染到人?

hello你好啊

明白聽到自己驗出hpv-11時,感到好驚、無助,唔知點算好。

醫生講嘅係正確嘅,現時未有方法可以完全根治到hpv,但係咁唔代表咩都做唔到嘅,增強免疫力都好重要咖,性病疣(俗稱椰菜花)嘅治療當中,亦需要透過個人免疫系統協助消除病毒,去減低復發機會。

hpv-11係低危型嘅HPV 病毒,不會致癌,但有機會引致性病疣,可以透過性交和皮膚接觸傳播,所以當如果生殖器上有病灶,而無用安全套,係會有傳播到其他人嘅,除咗皮膚外,當接觸到帶有HPV病毒的黏膜,便有機會傳染。

9價hpv疫苗係可以有效預防hpv-11嘅,所以可以有性行為嘅。即使有低危hpv,都可以有性生活嘅,最重要係要有安全性行為,正確使用安全套,保護大家,不過如果有椰菜花嘅,即使使用安全套,都未必能夠完全覆蓋所有皮膚接觸嘅範圍,如果碰觸到病灶(疣狀組織),就會增加感染嘅機會。所以可以等好翻後再進行性行為。口交方面,如果你口腔有病灶,再加上陰道有高風險嘅體液,所以都會有傳播嘅風險。

如果發現自己身上有性病疣,可以透過外塗藥物、冷凍治療、進行局部麻醉激光治療等方法進行治療嘅,。即使接受過椰菜花治療,亦可以因免疫力下降或再次感染,使椰菜花復發,椰菜花復發次數會根據患者的免疫系統高低而定,所以可以保持健康嘅生活習慣,維持免疫力,以免復發。

其實HPV並不等同於絕症,都並唔係一個標籤,感染性病的話,唔代表人生走到終點。然而,性病只會係人生嘅一部分,能夠學習同佢相處及勇於面對,未來嘅人生依然充滿好多嘅可能性,可以做自己想做嘅野,再者,性病疣係能有方法透過食藥、冷凍治療等方式治療,最重要係發現身體唔舒服時,及時睇醫生同進行治療,控制病毒量低到檢測唔到時,就算唔用安全套,都唔會將HPV傳染他人。

1個讚