食左避孕藥成年 28粒裝 冇試過遲黎m
雖然係遲左1日 但係中間有幾次遲食左 12小時內補番 亦有性行為
最近又病左有食西藥 咁會唔會影響黎m？
Hello~食緊避孕藥嘅同時服用西藥（例如抗生素、鎮靜劑等）係有機會影響藥效，令經期唔準嘅。所以我哋通常會建議如果同時服用緊其他藥物，最好配合埋另一種避孕方式。因為服用完抗生素之後，就算隔咗幾個鐘再食避孕藥，都唔能夠保證抗生素嘅藥性唔會影響避孕藥，畢竟藥物喺體內會有半衰期嘅情況，甚至可能影響新陳代謝。除咗感冒藥同抗生素會影響避孕藥效果，一啲精神疾病用藥，例如癲癇、抗憂鬱藥物等，佢嘅影響更大。如果有服用開上述藥物，咁喺服用避孕藥之前，一定要事先查詢婦科醫生，並針對個人情況做調整。
暫時嚟講，因為你嘅經期只係遲咗一日，唔係冇嚟，所以係唔需要太擔心嘅。不過如果之後反覆出現類似嘅情況，或者出現不規則嘅出血，咁就要睇醫生啦！
1個讚