你好啊 有啲關於壞孕嘅嘢想問下你哋
我平時有打開避孕針嘅 每個月一針嗰種 我上個月嘅經期係13/3-20/3 我有3次無套性行為 正常應該11/4會嚟m嘅但係到依家都係冇嚟 但係14/4夜晚見到底褲上面有少少淺啡色分泌物 諗住應該就嚟 但係15/4又冇淺啡色分泌物 16/4又有好少淺啡色分泌物 夜晚又唔見再有 我8/4 14/4都有驗過孕 係冇壞孕嘅 我咁嘅情況係唔係應該過多幾日再驗多次孕會再準啲？我會唔會其實係已經壞孕？thank you
Hello～呢度會想問吓你最後一次性行為係幾時？因為建議驗孕時間係最後一次性行為之後嘅7-11日，7日嘅時候會有初步嘅結果，11日之後驗孕嘅話個結果就最準確。見到你話8/4 14/4都有驗過孕，如果14/4距離你最後一次性行為已經超過咗11日，咁個結果就好準確，可以確定你係冇懷孕嘅。如果未夠11日嘅話，就可以等到第11日嘅時候再驗多次，如果個結果都係陰性嘅話，就可以放心啦！
另外，關於避孕針嗰方面，有機會係因為身體代謝荷爾蒙嘅速度改變咗，所以造成月經唔規律，建議你喺下次打針嘅時候問一問醫生，睇吓會唔會需要轉另一個牌子嘅避孕針或者轉用其他類型嘅荷爾蒙避孕法。
你好啊 我最後一次性行為係10/4 因為以前都有試過嚟M之前會有啡色分泌物 我以為係嚟M 但係觀察到一兩日覺得唔係嚟M 所以14/4打針之前驗多咗一次 但係我已經遲咗一個禮拜未嚟M 如果聽日驗孕嘅話會好啲定係等到21/4驗會好啲？thank you
如果係咁嘅話，22/4再驗過結果會最準確。不過如果你擔心嘅話聽日都可以驗一次先，雖然個結果係初步嘅，不過都有一定嘅參考價值。另外想問吓你14號打針嘅時候有冇問醫生關於遲嚟M呢樣嘢？因為通常打咗避孕針嘅話，經期都會係好規律嘅，當然亦都有部份人打咗針之後就嚟少咗M，甚至乎唔嚟M。不過如果你之前一直都有嚟嘅話，咁突然之間唔嚟係有啲奇怪嘅，所以最好向醫生查詢下。
因為我打咗避孕針差唔多2年 開頭都有嚟m唔準時 之後過多段時間就準時 但係上年年尾開始會嚟一兩次之後停一兩個月先再嚟 有見過家計會嘅醫生 我自己都有去睇另一個婦科醫生問下遲嚟m嘅情況 佢哋都話因為我打針嘅時間都長 或者係有病過食過其他藥都有機會影響到我會唔嚟m或者嚟一次又停一次咁 因為我有時都會睇中醫調理身體 話如果我care唔嚟m或唔準時嘅話可以考慮轉食事前 我都會keep住驗孕嘅 只不過今次有流啡色分泌物但係又冇嚟m 所以都擔心係著床出血 因為只係流咗3日而且個量真係極少 而且我11/4同12/4都有飲過通經茶 唔知咁樣會唔會令到我有今次咁嘅情況
你好啊 另外想問一問 如果我真係好急想知個結果嘅話 去照陰超會唔會可以即刻知有冇懷孕 唔洗等到22/4驗孕
其實照陰超都係一個確認有無懷孕既方法，但以你既個案黎睇，似乎無咁既需要，不如你等多兩日再驗，知道結果後就唔使再擔心啦！