Check咗兩條線，有咗BB但係想落咗佢去家計會佢會唔會通知家長？好驚比家長知粗體字
Hello 簡單地講，任何情況下家計會都係唔會主動擅自通知任何人，包括家長或者警方。但係，如果你係未夠18歲，要進行終止懷孕手術就必須得到家長或者監護人同意先可以進行到。
詳細地講，家計會係唔會有你屋企人嘅資料，只要你唔比佢哋，佢哋都冇辦法通知你屋企人。只不過，佢哋都冇辦法同你進行手術。因為終止懷孕始終係牽涉醫療程序，所以係香港，任何未滿18歲人士，要合法地進行終止懷孕手術，都需要當事人嘅家長或法定監護人簽署手術同意書，先可以做到手術。因為萬一手術過程中發生咩事，家長或者法定監護人都可以知道並作出緊急手術決定。
有啲人可能因為擔心要通知屋企人，又想進行終止懷孕手術，就會尋求其他唔合法嘅方式。但始終終止懷孕手術係有風險，甚至可能會令身體出現手術後副作用／短期影響。如果去一啲唔合法嘅途徑進行手術，就可能會因為手術環境及質素參差，存在更大嘅醫療風險。
其實有時我哋好擔心屋企人知道咗會好大件事，最難嘅位都係衝破自己心理關口，有時就算屋企人知道咗都好，都未必真係會有想像中咁嚴重嘅後果。而且屋企人都可能可以提供金錢或者心理上嘅幫助。
當然呢樣嘢最後都要留返俾你自己去決定。不過如果你有任何需要或者煩惱嘅話，都可以搵我哋，或者其他相關機構。希望都可以幫助到你。
但係簽署同意書佢係咪都係會打電話俾家長叫佢簽？
同埋佢會唔會要家長嘅身份證明？
求答覆
家計會係唔會未經你同意就自己打電話比任何人，佢哋亦都唔會強迫你做手術，或者強迫你打電話俾家長要佢哋簽署同意書，呢一切都係留返比你自己選擇。但要做手術就要簽署同意書就需要家長簽，而亦都係要家長本人親自簽署先可以做到啦。