我大概係1月尾發現冠狀溝前段龜頭發現有紅丘疹，之前去到2月尾有小濃泡好似暗瘡。3月頭就去左衛生署到驗去到3月尾衛生署打電話叫我去睇報告話我有疱疹二型，但我發現紅丘未消失。我就再去疹所驗 hsv2 igg同dna都negative 。由發現到驗大概兩個月半，我想問我呢個請況係咪潛伏期 定空窗期致驗唔到 我好驚唔想親人中
1個讚
Hello~疱疹嘅空窗期大約係3-12個星期，睇返社會衛生科嘅報告，喺你嘅體內驗到疱疹二形病毒，咁基本上可以確定你感染咗hsv2。因為疱疹屬於病毒型性病，暫時係冇根治嘅方法嘅。如果身體已經開始出現症狀，例如紅疹，咁即係代表已經過咗潛伏期。至於空窗期係指由感染去到檢測到之間嘅嗰個時期，因為社會衛生科已經檢測到你有hsv2，咁即係話已經過埋空窗期。所以你喺診所驗嘅檢測結果同潛伏期/空窗期係無關嘅。
至於你話之後再去診所驗嘅時候個結果係Negative，有機會係因為身體開始產生抗體，所以令到病毒量降低到一個冇辦法俾檢測到嘅水平，但係唔代表你體內冇疱疹病毒。不過只要妥善接受治療，控制體內嘅病毒量，當病毒量長期維持係一個冇辦法俾檢測到嘅水平嘅時候（U=U)，即係代表就算同其他人進行性行為，都唔會將體內嘅性病病毒傳染俾人。所以你今次見到Negative嘅結果其實係好事嚟嘅，代表病毒已經得到控制，只要之後都keep住食藥，定期複診同埋做檢測，咁係唔需要太擔心傳染到俾人嘅。