我本身已經打左混合性避孕針一年，一直經期都好準時，應該4/4返診所打針，但因為旅行同公眾假期遲左返診所打針，所以姑娘就唔同我打，叫我下次經期頭5日搵一日返診所打。本應20/4就會黎經期，但一直都未黎。而我7/4曾經發生過無安全措施既性行為，所以擔心會唔會已經懷孕？不過我已經21/4驗左係陰性，甘會係因為今個月無打針導致經期遲左？但一日未黎經期我又唔可以返診所打針，我應該點樣處理好？
Hello
如果你係性行為後11日進行驗孕，結果可以話係非常準確。至於經期一直未嚟嘅原因好大機會係因為遲咗打針，因為身體一直使用人造荷爾蒙取代自然周期，所以如果冇按照平時嘅schedule打針，月經周期會變得唔穩定。至於喺未打下一針之前嘅時間，如果發生性行為就建議使用安全套作為避孕措施，始終身體一直適應避孕針嘅人造荷爾蒙，如果呢個時候再使用其他人造荷爾蒙，例如避孕藥，就有機會令到月經周期更混亂。