雙方敏感度低

想請問關於雙方敏感度低嘅問題。

我同男朋友對彼此都有高嘅性吸引力,但由於兩個人嘅敏感度都比較低,所以喺發生關係嘅時候無法獲得性愉悅感。(我地發生關係嘅次數唔多,每次雙方喺生理上都冇咩感覺(即使佢射到。))

我細個嘅時候就有無意識夾腿嘅習慣,青春期期間開始有意識嘅頻繁夾腿,近幾年先逐漸減少左頻率。
我男朋友則係習慣通過摩擦床來自慰,難以依靠手或是口達到高潮。

請問 如果以上提到嘅係我地敏感度低嘅原因,可以如何改善呢個情況?

你好,多謝你嘅提問~

首先係你嘅部分,如果你傾向會係夾腿嘅時候感受到快感,咁你目前比較明顯嘅敏感帶會係陰蒂,而你可能比較prefer 以按壓嘅形式去刺激佢,咁樣嘅話,你可以先試吓探索吓自己嘅陰蒂,用手指或性玩具都可以,感受吓陰蒂上嘅刺激會唔會令你比較容易感受到性愉悅感~咁如果係嘅話,首先可以喺發生關係時候都同時刺激陰蒂,睇吓會唔會有明顯改善~

再進一步嘅話,陰道方面都可以進行探索~ 由於陰道嘅敏感度本身比陰蒂低,佢會需要多啲前戲去令佢充血,咁先會變得敏感~ 喺充分前戲之後,可以用手指感受吓有冇明顯分別,然後再感受吓唔同嘅刺激方法(例如抽插/旋轉/向上擺動等等)又有冇明顯嘅分別,咁就更加容易搵到享受到歡愉嘅模式,從而決定大家接住落嚟嘅親密模式:)

至於男友方面,佢摩擦床嘅情況會唔會好大力按壓?或者會唔會好集中喺陰莖嘅特定部分(例如龜頭)?因為呢啲嘅習慣有機會會令陰莖習慣左強烈嘅刺激,以致於性行為嘅時候因為陰道嘅刺激相比之下無咁強烈同集中,而令男友相對上需要較長嘅時間先會達致高潮。如果佢有以上嘅自慰習慣嘅話,可以嘗試減輕刺激嘅力度,或者改為刺激整個陰莖而唔係只係刺激龜頭,佢亦都可以嘗試暫停自慰一段時間,令陰莖嘅敏感度自然提升返:)

希望以上回覆幫到你~

1個讚