同男朋友一齊幾年,呢幾年都係keep住戴套性行為,不過上年係曾經有幾次吾聽話無套,不過最後都無事,有兩次食事後丸,幾次插幾下無內射,而我同佢一直都好想試下內射,雖然食事前應該都大機會可以避孕?不過因為健康理由,醫生都吾太建議食事前避孕藥或者避孕針,而子宮環就驚會吾舒服,仲有咩方法可以中出但係同時吾懷孕?
絕育？
戴咗套射嚴格嚟講都係內射姐
安全咗咁耐就無謂令自己咁risky好啲
你好～
如果你睇過醫生，而佢唔建議你用荷爾蒙嘅方法去避孕，無荷爾蒙嘅銅線子宮環會係一個比較好嘅方法～
佢嘅原理係透過釋放銅離子而影響精子活動，改變精子嘅活動能力同卵子喺輸卵管蠕動嘅速度，從而阻止受精卵著床～ 佢意外懷孕機會為 0.6-0.8%，避孕率相當高，可以安心內射亦唔怕會有荷爾蒙造成嘅副作用，咁當然適唔適合用子宮環都係要先諮詢醫生嘅意見啦～
至於你擔心嘅不適感，其實理應只會喺置入同取出嘅時候會有輕微不適感，但係喺戴環期間係唔會感覺到子宮環嘅存在，係唔會影響性愛嘅過程同感覺，而如果有一日會想懷孕嘅話，搵醫生拎返子宮環出嚟就可以喇～
至於安全套、避孕藥、避孕針、子宮環以外嘅選擇，都仲有兩種選擇嘅：
1）女用安全套
佢係佩戴喺陰道入面嘅，作用同原理同平日嘅安全套一樣，只係唔係佩戴喺陰莖上面，而係佩戴喺陰道入面，咁男仔就可以唔使戴套亦可以直接射精喇～
2）外用避孕藥物
例如：發泡丸、避孕棉、避孕軟膜等，佢哋嘅原理係將含有殺死精子或使精子失去活動能力嘅藥物放入陰道內，阻止精子通過子宮同卵子結合，但由於呢度牽涉藥物，都係要查詢醫生嘅意見，睇吓呢個方法適唔適合你使用～
希望以上回覆幫到你啦～