避孕藥唔可以同d咩藥一齊食?

我4月18號開始食避孕藥,個日係嚟m嘅第四日,但係今日4月23號,開始唔舒服,好似係感冒,跟住喉嚨痛加頭暈,想落藥房買d藥食(消炎消痛個d),想知道可唔可以同避孕藥一齊食,定係要錯開時間食,平時避孕藥下晝4點食,但係我d感冒藥大概都要下晝先食到,咁可以點算,避孕藥可唔可以推遲d食?加上琴日飲咗少少酒,身體就更加唔舒服,不過冇嘔,琴日下晝4點食避孕藥,夜晚7點45開始飲酒,想請問有冇影響?

你好,先多謝你既問題,我會一一解答你既問題。
首先,避孕藥主要係唔可以同其他藥物一同服食,尤其是抗痙劑、抗生素或鎮靜劑等,係會影響避孕藥既效果的。因為避孕藥既原理係藥中的雌激素被腸內的益菌循環再用,令雌激素在身體維持一個穩定水平。但抗生素能殺死腸內的益菌,令雌激素從身體流失,影響效果。因此如果需要短暫服用以上種類既藥物,係服用期間發生性行為係應該另外再加用其他安全措施,如:全程使用安全套,直至停藥後7天。至於你服食消炎止痛藥,暫時係無報告指出會影響避孕藥效果。不過你有服用避孕藥,日後如需要服食其他藥物,一定要話俾醫生知正在服食避孕藥,或服食其他藥物前請教醫護人員。
不過避孕藥係唔可以推遲食的,一定要係每日固定既時間服食,例如:固定每日早上8時服食,所以千祈唔好自己改變服食時間,否則會影響避孕效果。至於飲酒,暫時就暫無報告指出酒精會影響避孕藥效果。不過你宜家身體唔舒服,就暫時唔好飲酒,會影響凌復進度,而服食消炎止痛藥期間亦不宜飲酒。
希望以上解答幫到你。

咁我琴日係1點食咗d化痰止咳止鼻水嘅感冒藥,跟住4點準時食咗避孕藥,會唔會影響避孕藥嘅藥效架?因為今個星期六同男朋友去staycation,不過我地都會帶套,做個雙重保險,主要係擔心琴日嘅避孕藥失效:cry:

其實正常情況下,如果唔係抗生素,現時大部分感冒藥都唔會影響荷爾蒙式避孕措施,但我地都唔能夠100%排除到有機會藥物之間有交互作用而降低避孕藥嘅功效。如果真係想確認嘅話,呢啲複雜嘅醫學問題都會建議問返專業醫生建議會好啲。不過只要你冇停到食避孕藥,都唔計係斷咗個週期。

都好欣賞你地會考慮帶安全套啊。只要你地到時發生性行為嘅時候,有全程都正確咁用到安全套,咁都唔洗驚會有懷孕風險架啦。

希望你身體都快啲好返啦 :heart_hands: :heart_hands:

1個讚

咁其實個藥效係咪仍然存在架?

係啊,都仲有藥效~

唔該呀~我仲想問下,其實同其他藥一齊食會有交互作用,避孕藥嘅藥效有機會減低,咁個避孕機會係咪都會減低咗架?有冇可能就抑制唔到排卵?因為我今次係第一個月開始食避孕藥,今日係第九日,我係月經開始嘅第四日開始食,好擔心抑制唔到排卵。

同埋想問下點解我食緊避孕藥,但係仲會有排卵期嘅蛋清分泌物嘅?唔係唔會排卵嘅咩:thinking:咁樣係咪代表冇抑制到排卵?因為最近幾日咁啱就係排卵期。

Hello?

你好,首先,食避孕藥通常可以有效地抑制排卵。但出現蛋清分泌物,呢個係同你啱啱開始食避孕藥有關。因為剛開始服食避孕藥初期,藥效係未完成發揮,身體仍然有機會出現排卵期既徵兆,所以一直都建議服食避孕藥頭7天係需要同時採取其他安全措施。只要你維持固定既服藥時間,亦唔好有漏藥既情況,就穩定咁維持避孕藥的效果。所以如果你發現自己在服用避孕藥期間仍然有排卵期的蛋清分泌物,咁唔一定意味著你既避孕藥失效。如果你擔心避孕藥失效,建議你同醫生進一步討論,並了解一下其他避孕方式。