正常避孕藥食完21粒要停7日 但我第8日先食想問係咪會有影響 有性行為
你好，謝謝你既問題。
首先，正確服用避孕藥係應該停藥7日後，開新一個療程。如果你完成左第一排，而你只係遲左一日開始，只要你服食時間沒有改變，例如：固定每日早上8時服食，你可以係第一日服食時補食多一粒，之後繼續正常服食，咁對避孕效果唔會有太大影響。尤其是當你已經服食避孕藥一段時間，如：已服食超過3 個月。即使遲左1日開始，因為如果已長期以避孕藥作避孕，仍然會有避孕藥效。不過我地一般都會建議返，如果第一次服用／曾經出現漏藥情況的話，無論係經期第幾日開始服用，頭七日都需要配合番阻隔性嘅避孕工具（如：安全套）一齊使用。
因為如果無繼續按避孕藥指示，停服避孕丸後，就會即時恢復生育能力 ，所以停藥後如果無戴安全套發生性行為，亦會有懷孕嘅風險啊。所以都要提醒番，如果停藥嘅時候，其實係未準備好懷孕，咁就要記得戴番安全套，減低懷孕嘅風險啦。而經期方面，一般停藥後1至2個月內就會回復自然嘅排卵及月經週期。
亦要留意番，日後有以下情況，都需要再次配合阻隔性避孕工具使用，持續七天，因為藥效有機會消失，需要重新建立，避免期間有懷孕風險。
- 服藥期間曾經漏服藥，有補食藥丸
- 服藥期間曾經漏服藥，無補食藥丸
- 曾經停藥（不包括該四粒非活性成分藥丸或七天無藥期間）
啫係藥效都仲係到？ 同我今日係要食2粒？
你係咪今日第8日新開一排食?? 同埋你平時係幾點食?? 另外,亦想了解你服食左避孕藥幾耐??
都有幫我地準備啲解答。
係啊今日第八日開咗新
已經食咗幾個月
如果你係今日遲左一日開新一排，而你又已食左幾個月，咁唔使咁擔心，正如上面所講藥效唔會即時消失，不過今日係應該補食一粒，但我估計你平時都唔係咁晏食，所以你頭先應該無補食，咁你可以考慮黎緊呢7日避免進街性行為，或進行時使用埋安全套，就可避免有懷孕風險架啦，所以唔使太擔心。
至於之前停藥既7日，由於係完成左一排既停藥期，所以就算有性行為都係安全既，因為藥效仲係發揮緊。