第一次食避孕藥 牌子係Yaz既避孕藥
想知道要食幾耐先開始有藥效？
係唔係必須要經期開始食？
同埋就係食完一盒個藥效會hold到幾耐
Hello 避孕藥其實係一啲人造荷爾蒙藥物，所以身體都需要啲時間去建立藥效，而建立藥效要幾耐時間，就視乎你係幾時開始食。
一般嚟講，通常會建議經期頭5日或以內開始食藥，咁就會快啲建立到藥效，咁食藥嘅頭7日都要配合用安全套。但都唔係話必須要係經期開始食，你亦可以係其他日子開始食都得，不過就要比較長時間先建立到藥效。如果經期第6日或者之後先開始食第一粒藥，咁就建議頭14日都配合用安全套。
而事前避孕藥係要持續住咁食，先保持到藥效。如果斷咗冇食就會失去藥效，食緊嘅週期中間漏食嘅話，都係會影響藥效嘅。
另外，一開始食避孕藥頭三個月都可能會有唔同嘅副作用，例如不規則出血、乳房漲痛等等，但都唔一定會有，好因人而異。如果副作用嚴重或者持續多過3個月，就可能要考慮睇醫生啦，因為有機會係身體唔適合食藥或者呢隻牌子唔啱你。
1個讚