嚟m嚟咗九日都仲有
每次都鮮紅色有血塊 月經量係護塾size 11號做過性行為一次係唔係懷孕呢 睇過話持續流血關懷孕事 但20號驗過係冇
> 塊引用
Hello~一般嚟講，如果嚟咗月經嘅話就代表冇懷孕。雖然你嘅血量比較少，護墊都裝得晒，但係因為嚟咗9日，如果係懷孕導致嘅着床性出血係唔會持續咁耐嘅，通常一至兩日就唔會再出血。所以基本上可以肯定你係嚟M，咁基本上都可以肯定冇懷孕。不過如果你擔心嘅話，可以喺性行為之後嘅第11日，即係22號之後再驗多次孕，到時個結果就最準確。如果都係陰性就可以放心啦！
1個讚
因為我我喺7/4先嚟完m，18號又嚟但啲色係月經咁又有血塊唔知排卵期定係m 我喺性行為9日後驗孕是否不準？
如果18號嘅出血量比較少嘅話，咁就應該係排卵期出血。第9日驗孕嘅結果只能夠算係初步嘅，11日之後驗會最準確！所以建議你喺性行為11日之後驗多次，如果係陰性嘅話就可以放心啦！
之前睇中醫 佢話月經早咗 但仍好擔心
有血塊嘅鮮紅血都可能係懷孕徵兆？
本身月經都好亂，所以一直好擔心
係20號多咗 蓋曬咗護墊
如果血量較多嘅話，咁就唔會係懷孕徵兆。因為懷孕會出現類似月經嘅情況，叫做着床性出血。着床性出血嘅血量比較少，通常一塊護墊就已經可以裝得晒，同埋只會維持一至兩日。如果本身月經都比較混亂嘅話，建議可以抽時間去搵醫生做個詳細嘅婦科檢查，排除病理嘅因素之後，可以同醫生商討，睇吓會唔會選擇食避孕藥嚟調經，更好咁改善你嘅情況～
1個讚
琴日驗咗係negative 但係唔同牌子嘅驗孕棒係咪準確度都唔一樣？
你好，如果你尋日驗孕結果係陰性，即代表你無懷孕，你大可以放心。至於唔同牌子驗孕棒既準確度係會有差別，但只要係經藥房、連鎖店購買的，準確度都超過九成，即是話結果其實係相當可信。
如果你仍然擔心結果，你可以使用兩個唔同牌子既驗孕棒做檢測，或使用電子驗孕棒，如果結果都係陰性，就好肯定你無懷孕了（其實宜家都肯定）。
1個讚