私家醫院睇醫生會唔會俾屋企人知道?

是咁的 因為我自己本身有內分泌既病:grimacing:
(不過唔知點解m到時間都比較準時:thinking:
唔知係咪因為呢個問題 口既兩邊有擦得甩既白斑 口乾既時候特別明顯 還是口腔念珠菌 因為想知發生咩事 所以聽日去私家醫院睇開既內分泌醫生睇下咩情況 雖然我已經成年 不過想問如果我聽日自己去醫院睇醫生 醫院會唔會通知我屋企人?因為唔想屋企人擔心 但係又擔心睇完醫生之後醫院會同屋企人講 所以想問清楚啲:speak_no_evil:

Hello~無論係私家定係公立醫院,醫護人員都係唔會無端端有你屋企人嘅聯絡方法嘅,所以可以放心,佢哋係唔會話俾你屋企人知嘅~同埋所有嘅醫護人員都係專業人士,係需要遵守保密原則嘅,所以唔會隨便泄露你嘅任何資料。當然除非係有好危急嘅情況,需要即刻做手術,而你又處於唔清醒嘅狀態,佢哋先會通知你嘅監護人,不過呢種情況係一般嘅檢查裏面出現機率係好低好低嘅,所以可以放心🫶🏻

1個讚

今日睇左 醫生話係霉菌:thinking:上網search係黴菌 即係念珠菌?:open_mouth:之後開左藥水比我含住喺口:see_no_evil:

冇錯呀~霉菌即係念珠菌,係人體自然會產生嘅一種真菌。一般來講霉菌對人體係冇害嘅,人體嘅免疫系統可以對抗得到。不過當生活壓力大、飲食唔規律,生病等等嘅情況出現嘅時候,人體嘅免疫力就會下降,有機會冇辦法抑制真菌嘅產生,當大量繁殖嘅時候就會造成感染。一般嚟講醫生開咗藥嘅話,一個禮拜左右就可以完全康復,不過就要留意喺喺段時間調節自己嘅生活習慣,同埋避免進行會造成交叉感染嘅行為(例如口交),如果唔係就好容易難斷尾。

嗰支藥水叫nystatin suspension 100,000 units
醫生開左4支 一個禮拜內食完 想問如果一個禮拜後先用嗰支藥水會唔會對人體有害或者有任何身體影響?而其中一支喺上個禮拜五睇完醫生後開左樽口位檢查 大約一分鐘就cum返個樽口 但係就冇用到 其餘三支就開都冇開過 本身諗住聽日開始食 但係上網有人話其中一支開左之後大約一個禮拜後就要dum…
頭先打過比藥劑部 不過就唔敢講遲左一個禮拜先用

Hello~你講緊呢隻藥,其實我哋都唔係好熟悉:thinking:。所有藥物本身都係有保質期嘅,所以就算醫生冇開,都有機會過期。而佢打開咗個蓋嘅話其實應該要盡快使用嘅。因為真係唔清楚個藥效會唔會受到影響,所以最好都係問返醫生或者藥劑部。另外,都要誠實話俾對方聽你遲咗一個禮拜先用,因為如果唔坦白嘅話,有機會延誤左個治療過程,到時反而得不償失:smiling_face_with_tear:

藥盒上面寫著2023年2月生產 2026到期
我諗住配過曾經開過既嗰支藥水 其餘冇開過既三支藥水依家食

想問吓醫生有冇叫你幾時返去複診?因為見到佢本身係叫你一個禮拜內要食完啲藥水嘅,而家遲咗先開始食嘅話,有機會身體裏面嘅霉菌數量係比之前多嘅,所以就算你而家食返之前醫生開俾你嘅嗰個份量,都有機會清唔晒嘅,所以你可能要有治療期現場嘅心理準備:pleading_face:。當然最好嘅就係喺你複診嘅時候同醫生講返你嘅情況,再睇吓下一步應該點做。

冇吖:eyes: 不過頭先打比藥劑部 佢話可以自己考慮食唔食 因為佢見我口腔既白斑同埋白點已經冇左 應該係自行康復緊 同埋佢話就算開左一個禮拜都仲可以用既 咁我自己就為左個保障 同埋唔想曬錢 所以今日朝早食左一次 之後就日日食 食足一個禮拜

咁樣嘅話只要跟足醫護人員嘅指示,應該就冇問題啦:relaxed:!祝你早日康復!

多謝你🩷

1個讚