肥仔點樣可以戀愛

我由細到大都系肥仔
中4就決心減肥,點知反而變大隻
睇落去都系肥,一直都好想有各女朋友
同我一齊享受中學生涯
我可以點樣令女仔對我有好感
ps 人稱好好先生

我諗要令異性有好感,都需要對方同你啱channel至得。既然你覺得自己係好好先生,咁都代表你人際關係上係擅長嘅,所以繼續去做一個好好先生黎擴大自己個社交圈子,都會容易啲搵到適合嘅對象。

不過我就唔係好明白,點解需要定下中學點都要拍拖呢個目標。我覺得中學未拍過拖唔算係乜野需要遺憾嘅事,雖然亦有人認為,中學拍拖係最純真嘅愛,但唔代表你將來嘅愛情唔純真。

中四我覺得係個尷尬位,一段感情最開始一定係熱戀期,如果雙方都繼續發展落去,第二、三年一定唔會第一年咁轟烈。如果你好快就開展左一段感情,到到考DSE個陣會唔會有危機呢?會唔會自己比較難同時掌握感情同學業呢?呢樣野我覺得係要認真問下自己。

青春期對異性有好奇, 想拍拖是很正常的

我認為, 如果體重體型的問題困擾你, 唔係淨係拍唔拍拖的問題, 而都會影晌你個人自信的話, 值得正視處理一下

其次, 女生喜歡男生是基於很多說不出的因素, 不單單因為外表 (噢, 但當然篷頭垢面, 不修邊幅是另計), 第一點真係你自己都要有自信, 自己搵到一啲個人之處, 可以係某些興趣, 專長, 啫好等等

你話人地話你係好好先生, 咁都已經有好印象先啦! :grinning:

我自己覺得男仔嘅外表好同感情發展 冇必然嘅關係嘅 比啲信心自己 你都有其他優勢既 你自己有冇對象先

1個讚

不是先問如何吸引女性,而是問自己,預備好自己如何愛人。另外,你有無對像?如果無,就不要漁翁撒網地去搵。

1個讚

我有對象
不過佢一直拒絕

咁佢咪唔係你個MS RIGHT 囉… 搵過第2個囉

其實你為什麼會認為肥仔就不可以戀愛呢?

我們在準備好愛人前,要先學會愛自己
如果你欠缺自信,那在靜下來,想一想,自己的長處、可愛之處
並肯定自己的價值

我相信,人的價值絕不是只靠外表或外在
大概你也看過非常多的例子,肥人也能戀愛、也能找到一個合適的伴侶
反過來說,瘦人也不是絕對的能得到這方面的幸福啦^_^
(否則我們結婚的禮服不就只有細碼,沒有大碼?很明顯這不乎現實啊~)
記緊,外在只是整個人的其中一部份罷了~

你未滿意自己的外形,我很欣賞你曾努力嘗試改變,這是建立一個Better Me 的過程
而如果外形改善能讓你更有自信、更自在、更欣賞自己,那我非常鼓勵你堅持下去,你這是一種進步,無論結果是否真的能因此找到伴侶,這也是對你有益的

別太擔心~
有什麼都歡迎在這裡和我們分享~

P.S.
真的是題外話,你提及「決心減肥,點知反而變大隻,睇落去都系肥」
其實這應該是表示你未有正確地 「運動、訓練及飲食」
如果你對這方面有興趣,可以留言我們再分享,如果管理員認為這未有離題,我很樂意在此分享小小的經驗和見解^^
當然,如果你向持證書的健身教練、註冊營養師等請教,會得到更詳細的資料啦^
^

By Cedric Li

1個讚