（1）4月10號嘅時候發生咗性行為，之後4月12號食咗事後丸，其後4月15號都有出血，不過啲血就有少少不規則，一時多一時少，但係都持續到4月21號，所以想問下呢個係咪已經係月經？
（2）月經途中嘅4月18號去咗睇家計會，開始咗食事前藥，食完都keep住會有陣時頭暈，不過好輕微，直至4月22號開始感冒喉嚨痛，都有食到感冒藥，同時避孕藥冇斷到，都有一直食。到4月26號下腹肌肉有啲痛，因為感冒期間都有一直咳，每次咳都幾用力下，之後咳嘅時候下腹肌肉都會抽住痛，所以想問下呢個下腹肌肉痛會唔會同懷孕方面嘅野有關？
（3）好擔心自己有懷孕嘅機會，雖然知道自己已經出咗血就基本上冇懷孕機會，但唔知係咪因為感冒，最近幾日都會覺得好攰，跟住有啲想嘔，加上下腹又有酸痛感，真係有少少擔心。不過我已經係4月21號同4月25號驗過孕，都係陰性，因為係4月10號嘅性行為後，我就再冇發生過性行為，想知道呢兩次驗孕係咪已經好準確，而且4月15號亦都有出血，懷孕機會係咪零？
唔該曬～
而家係連小腹入面都有少少痛，唔知點解。好擔心
會唔會有機會宮外孕？宮外孕驗孕驗唔驗到架？定係只係食避孕藥嘅副作用？不過我見副作用冇提到會腹痛，之前都冇試過咁樣，但只係輕微腹痛。有少少酸酸地，悶悶地嘅感覺。
hello
1）係啊，依個都係無受精嘅子宮內膜脫落，所以都係月經，食完事後丸嘅撤退性出血量不規則係屬於正常嘅情況嚟嘅，唔需要太擔心。
2）呢個下腹肌肉痛好大機會係同懷孕無關，可能只係因為你咳得比較大力，所以就痛。
3）如果有懷孕的話，其中一個最明顯嘅徵兆就係停經。出現月經的話就代表來經前發生嘅性行為，並無導致懷孕。
驗孕棒其實係透過尿液測緊hCG嘅水平。咁咩係hCG呢？就係如果真係懷孕，當受精卵著床，身體就會分泌嘅一種荷爾蒙，而hCG嘅分泌會隨著懷孕嘅日子增加。一般來講，7日已經會有足夠嘅水平可以檢測得到初步結果，11日之後就會有好準確嘅結果，你愈後嘅日子驗孕，就會因為體內嘅hCG會愈多，而愈容易得到準確嘅驗孕結果 ，即係話，兩次嘅驗孕結果都係好準確嘅。
4）假如真係宮外孕嘅過話，驗孕棒都可以檢測出你係懷孕嘅，唔會因為宮外孕所以就檢測唔到。你喺性行為後14日做驗孕測試，結果係好準確嘅，正如上面所講，因為驗孕棒係檢測你體內嘅HCG,而隨着懷孕時間越長，HCG都會增加，所以驗孕測試結果係好準確嘅。
明白發生性行為後會感到驚同擔心，可以思考下自己驚嘅係咩？如果真係有咗bb，對你嚟講有咩影響？可能係少咗私人空間？可能打亂咗一啲計劃？依啲影響係咪真係完全無解決方法？如果可以釐清到自己嘅憂慮同恐懼，或者可以令你放心啲。不如試下同另一半討論你嘅憂慮，例如如果真係意外懷孕要點面對，會選擇終止懷孕定係繼續懷孕，或者除咗插入式嘅性行為外，可唔可以改為一啲低風險嘅性行為（例如指交、口交、互相自慰等等）。有共識之後可能都可以令你嘅擔心減少呀！
唔該曬解答呀，其實我而家都開始有食事前避孕藥，加上男朋友都會帶套，就係想之後嘅性行為都安全d，我食藥都好準時，而帶套方面都有正確使用，只係上次發生咗意外。自從意外之後我就決定要食藥，做一個雙重保險，男朋友都好尊重我，話我食藥嘅話，佢一樣會帶套。咁樣其實雙重保險係咪更加安全架？
正確使用安全套嘅避孕率高達98%，而正確服用事前避孕藥有高達99.7%的避孕效果，雙管齊下就當然更加安全
唔該，想請問點解我食緊避孕藥仲會有排卵痛嘅？
下腹兩邊悶悶地痛，同以前嘅排卵痛一樣。同埋有d胸部脹痛，係咪正常現象？
如果係食避孕藥頭三個月出現下腹痛嘅話，都可以視為適應期出現嘅副作用。但因為下腹痛其實可以有好多因素導致，如果情況持續嘅話，都建議你諮詢醫生嘅意見～
係好輕微嘅痛，唔會影響生活，係我自己一直在意咗落個肚度，平時都唔覺痛。今次係第一個月開始食，胸痛會比腹痛更加明顯。
你好呀，我想知道食避孕藥係咪會搞到性慾下降架，以前未食之前排卵期個幾日都特別想要，而且會特別濕，即使同男朋友摸下都會好濕，但係自從食藥之後，就變得冇咁濕，可能都會有少少水，但係就比以前少好多，而且性慾都冇特別強。
同埋想請問下，我4月23號同4月24號中午1點左右都有食到感冒藥，兩日4點都有準時食避孕藥，想請問係咪要等4月24號嘅第7日後先可以冇套，因為擔心感冒藥降低咗避孕藥嘅藥效，咁係咪就需要再連續食7日避孕藥令藥效出返嚟先再冇套架？
呢個只係我單純好奇，本人都會繼續用套，只係擔心套穿咗或者脫落嘅問題
Hello 其實避孕藥嘅副作用有好多種，因為避孕藥都係荷爾蒙藥物，係會影響身體荷爾蒙，所以性慾下降都係其中一種常見嘅副作用之一，所以有咁嘅情況都係好正常。
至於食藥初期，如果你係月經頭5日內開始食，咁就7日內都用返安全套；如果5日後食，就14日內都用返安全套就好。而因為你有食到感冒藥，有機會會藥物間有交互作用，而影響咗避孕藥功效。所以你咁嘅計法都可以更加保險更加安全啊～
唔該曬～
1個讚
唔好意思呀，我對上一次性行為係4月10號，有帶套不過有少少脫落，之後4月12號食咗事後丸，4月15號就開始出血，斷斷續續持續咗6-7日，都keep住有鮮血，同埋有m痛，而4月15號亦都係預估嘅嚟m時間，咁其實出咗血係咪就冇懷孕架啦？因為我最近幾日都一直好攰，明明12點訓，訓到朝早11點都好眼訓，全日都好眼訓，跟住又有d暈同唔舒服，不過我而家食咗事前避孕藥兩個星期，唔知係咪d副作用所以搞到咁攰。
我亦都係4月21號同25號驗咗孕（分別係性行為後嘅11日同15日驗），都係陰性，不過用嘅係萬寧個隻試紙，上網睇話冇咁sensitive，所以有d擔心。
同埋下腹都有m痛嘅感覺，仲有個胸好漲痛，之後胃口又唔係特別好，唔知道係咪因為之前感冒搞到咁，因為感冒都未完全好，仲有少少痰加流鼻水，跟住男朋友今日又快測兩條線，同佢上星期六最後一次見，但係自己驗就係一條線，唔知有冇確診
如果已經嚟咗月經，其實就冇意外懷孕嘅風險。明白有啲懷孕前症狀同月經前症狀好似，所以令你好擔心，但正正因為呢啲症狀好相似，我哋唔可以就咁單憑呢啲症狀去判斷自己有冇懷孕啊。至於你身體感到疲倦，因為都見你提及男朋友確診，咁你可以觀察多幾日睇吓自己有冇出現新冠病毒嘅症狀，如果有嘅話，咁可能疲倦嘅原因就係因為呢一樣嘢。另外其實仲有好多因素影響住月經周期同埋身體各種症狀，例如生活作息，飲食習慣，運動量，情緒壓力等都會有所影響啊，如果你已經驗孕，結果都係呈陰性嘅話，可以唔使咁擔心比自己放鬆薄嚟