係咁嘅
我琴日同男朋友sex先發現好似放錯窿
對上嗰一次sex大概係一個禮拜前
一直都有啲混血絲 好似鼻涕狀嘅分泌物 但以為係陰道流血
點知去到今日先發現原來放高咗 好似放咗入尿道 依家唔知可以點做
因為唔知sex其實可唔可以放入尿道？
同埋之前嗰兩次都好似放錯咗依家好迷惘
謝謝各位
如果係入咗尿道嘅話應該會即刻好痛？
同埋正常係咪應該插唔入，因為尿道直徑其實好細，連尾指都粗過佢，咁男朋友勃起理論上就應該唔會插到入尿道
但係我肯定佢唔係放咗入陰道（喺係陰道上面的位置）又見到佢完全隊左入去
你好～
雖然女性嘅陰道口同尿道口係好接近嘅，不過錯誤插入尿道口嘅機會係好低嘅，因為尿道同口係非常窄嘅，亦都無陰道同陰道口咁有彈性，所以陰莖係好難插入尿道嘅～ 而如果真係發生咗，由於尿道唔會分泌天然嘅潤滑液，喺過程中係會造成明顯不適嘅～
理論上喺尿道發生嘅性行為叫做尿道交，但係係有好大健康風險嘅做法，因為尿道口本身冇乜彈性，尿道交會令尿道擴張，繼而令到尿道括約肌的控制能力慢慢喪失，導致尿失禁嘅情況出現，亦會令膀胱更易受到感染～ 而尿道被插入異物後，除咗會出現排尿困難同腹痛外，仲可能出現尿中帶血、無法排尿和生殖器腫脹，可能因為咁樣你會覺得有類似嘅癥狀～
但其實你所講到嘅「混血絲、好似鼻涕狀嘅分泌物」比較大機會會係陰道分泌物，血絲可能係因為性交後出血，而鼻涕狀嘅分泌物亦可能係念珠菌感染，如果伴隨住陰道口不適，小便灼痛等狀況持續，非常建議你去睇一睇醫生，以免有其他婦科狀況。
至於你擔心放錯咗尿道，你可以試下探索下，例如可以用鏡幫手睇睇你嘅外陰，你會發現尿道口同陰道口好近；你亦可以試下喺有潤滑嘅情況下，用手指插入陰道感受下身體嘅感覺，同埋觀察下同之前陰莖進入嘅時候似唔似，咁都可以更放心喇～
希望以上回覆幫到你：）
謝謝你