係唔係每個牌子都準？性行為後18日後驗咗negative，但牌子唔係常用嗰啲
你好～
只要係正式註冊嘅醫療用品品牌，又有跟足說明書嘅指示進行，就係準確架喇～因為一般嚟講，喺進行性行為7日後就可以獲取初步結果，而進行性行為後11日後可以獲取準時結果～
因為驗孕棒嘅原理係透過檢測尿液中嘅HCG(人絨毛膜促性腺激素)含量嚟判斷有無懷孕，因為只有受精卵成功著床嘅女性身體先會會開始分泌HCG，通常著床時間就會係6-9日，咁通常7日就會有初步嘅結果，11日嘅時候受精卵已經完全著床成功，體內嘅HCG分泌亦都足夠檢驗出有無懷孕架啦。
如果有憂慮嘅話，可以再買一支常用啲嘅牌子再試，只要跟足指示就準確架喇：）
希望可以幫到你啦～ 
我唔知呢個係咪正式註冊嘅醫療品牌
你記唔記得驗孕棒係咩牌子？
個包裝冇講 上網買的 叫安迪醫藥
就咁叫DIAGNOS Pregnancy Test Midstream 驗孕棒
佢都算係大型嘅醫療牌子，唔使太擔心～
1個讚
好吖 唔該曬你 聽完你哋講放心好多
另外我想問下會唔會嚟完m好快就會排卵期？我用開個app 佢有時顯示嚟完m兩日後排卵
呢一個問題都好難答到你，因為app上面都係預計嘅日期，另外其實有好多因素影響月經周期同埋排卵嘅日子，大部份嘅女性都唔會喺每一個月嘅同一日排卵，例如一啲生活作息，飲食習慣，情緒壓力等，都會影響成個月經周期。
1個讚