女朋友想配事前避孕藥，之前喺嚟m第三日去到青少年保健中心配藥，但個職員話要喺嚟m第一日先可以見醫生配藥，叫佢下個月嚟m第一日再嚟過，但之後嗰幾個月嚟m第一日都就唔到時間上去青少年保健中心見醫生配藥。 女朋友今晚嚟咗m，青少年保健中心星期日同嚟緊星期一公眾假期都唔開，等到星期二再開已經係嚟m第四日，想問下喺呢種情況下可以點做，我哋有迫切需要又唔想再等下個月，但第一次食避孕藥前有醫生評估下再食好似好啲?如果自己買除咗青少年保健中心仲有邊度買到? 喺呢種情況下應唔應該自行購買事前避孕藥食咗先? 謝謝。
Hello
的確係食事前避孕藥之前先比醫生檢查身體會比較好，因為並唔係每一隻避孕藥都適合女性食。除咗家計會嘅青少年保健中心，母嬰健康院，婦女健康中心，或者婦科診所都可以配到事前避孕藥。都建議唔好自行去藥房買，因為唔知道佢嘅藥效，到期日。建議可以喺預計嚟月經前幾日先到以上地方預約～
因為女朋友成日都遲嚟m 所以好難約到 ,請問喺經期內到上述地址 , 醫生會唔會做肯幫手做檢查同收費會唔會好貴。
因為每一間診所或者中心嘅做法都唔一樣，建議你可以先打電話去問，係咪一定要喺月經嚟嘅時候做檢查～母嬰健康院嘅價錢會相對較平，其他婦女中心或者診所會比較貴，因為身體檢查會再收費