你好
我一向period唔穩定，又有stable 男友，最長一次試過三個月冇嚟，所以一向對於驗孕都有警覺性。
對上一次period 係1月11
Mar18 性交
April 6 驗孕negative
April 17 安全性交，並抽出射精，因為次次都唔信啲安全套，所以永遠都係帶住個套都抽出嚟射，但有時個套可能套唔晒條J (有時around 套住7/10），現在人又喺外地，所以比較擔心會唔會懷孕。
希望你哋可以解決到我嘅擔心，同埋我應該點樣做謝謝你。
你好，知道你本身周期唔穩定，所以會比較敏感。其實你每次性行為會使用安全套，所以係好安全，當然亦要正確使用安全套，係性行為過程中無脫落，就無太大問題。加上你地會配合體外射精，懷孕既風險係好低。至於你地係17號有性行為，而你真係有憂慮既話可以考慮自行驗孕。
如果自行驗孕其實可以喺性行為後11日進行，因為驗孕棒係透過檢測尿液中嘅hCG (人絨毛膜促性腺激素)含量，呢個激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。如果17號係你最後一次性行為既日子，咁28號後進行驗孕已經會有最準確既結果。係外地都可以到藥房買到驗孕棒，驗左就唔使再咁擔心。