今次嚟m耐咗嚟咗十日 平時用個app記低嘅 之後個app顯示嚟完m後兩日排卵期？？ 平時就知係經間期先排卵嘅 但個app咁顯示咁奇怪
想問排卵期係咪真係會有時咁快就嚟
你好，排卵期理論上會係月經週期嘅一半嘅前5日至後4日，不過首先要月經週期比較穩定，先至比較可作參考，而且排卵期本身其實係好難準確預測，加上你今次月經黎左10日，所以亦有可能影響左排卵期既時間。
另外，除咗計日數之外，我哋都可以藉由觀察身體嘅變化狀況，嚟判斷自己係咪進入排卵期。例如陰道分泌物增加，或是基礎體溫(Basal body temperature，BBT) 偏高等等，都是排卵期嘅徵兆。除咗體溫升高之外，排卵期仲有其它的徵兆：
- 陰道分泌物增加：分泌物通常會係透明而有彈性，質地好似生蛋白一樣，而排卵之後分泌物可能會變少，並顯得更濃或更混濁。
- 卵巢疼痛：腹部單側感到不適或疼痛。
- 陰道些微地出血
- 乳房壓落去會痛
- 性慾增加
不過提示返，排卵期同經期一樣，可能會因為作息、壓力、病痛等有變化，如果身體無太大問題出現，排卵提早左都唔而使太擔心，同埋排卵期都唔一定係月經期間出現。
1個讚
我平時月經都唔太穩定
多謝你嘅解答 我會再觀察一下