我身上的加德納菌已經超過二十年醫不好,怎樣好?
Hello 相信你都已經好困擾，醫咗20年都醫唔好。其實加德納菌係好難斷尾嘅，或者你都可以試下轉唔同醫生，或者同醫生講你嘅病史，睇下會唔會轉其他藥。不過如果轉過唔同醫生，或者轉過藥都斷唔到尾，咁都可能要接受要一直食藥控制住。另外，其實除咗藥物控制之外，配合日常生活嘅性器官清潔都好重要，因為有好多人都忽視左呢一樣嘢，導致一直到未能夠斷尾。例如喺炎熱潮濕嘅天氣，就避免着緊身嘅內衣褲，而且沖涼嘅時候，有冇正確清洗性器官，沖完涼之後都應該等私密部位乾咗之後先着上內衣褲等嘅衛生習慣，其實都好重要。
都想問下病徵明唔明顯？影響嚴唔嚴重？會唔會都好困擾你？因為如果唔係好嚴重影響到你，都唔洗過於擔心。
你好,因為了很多抗生素也不好,以產生抗藥性,請問如果再這樣治理不好,病菌會否逆流而上影響身體其他器官?
有關加德納菌會唔會逆流影響其他身體器官，呢方面唔需要太擔心，因為加德納菌其實係陰道加德納菌（Gardnerella vaginalis，GV）係一種常見於陰道嘅細菌，所以佢並唔會出現係其他身體器官，主要通過性接觸傳染。正常狀況下對人體冇害，但當遇到生病，天氣炎熱潮濕等情況，就有機會大量繁殖，造成感染。所以上面就有提到其實除咗藥物治療，日常性器官清潔，同埋衛生習慣都好重要，係兩者配合。
至於你話食完抗生素，以致產生抗藥性，治療陰道加德納菌嘅方法主要有兩種，第一，醫生會處方一啲抗生素藥物畀你服用，只需要按指示服用，直至服完所有嘅藥物為止，就完成治療。第二，如果醫生處方咗藥膏，就要按時搽喺患處。咁唔知道之前你睇醫生，佢有冇開藥膏比你查，如果冇嘅話，可能下次睇醫生嘅時候可以問吓醫生。
另外，由於大量服用抗生素，抗生素會改變左陰莖附近既微環境，令其他細菌或者病原體大量繁殖，例如念珠菌。本身我哋嘅身體有少量嘅念珠菌而並唔會對身體有咩特別影響，但係當身體情況出現轉變(例如壓力大、抵抗力差、或者食緊其他藥物)，念珠菌就會大量繁殖造成感染甚至唔舒服。見到你提及一直到好唔翻，其實有機會唔係靜止加德納菌造成嘅感染，有機會係其他細菌或者病原體感染，但呢方面我哋都唔能夠單憑你文字嘅描述去診斷你有冇其他感染，咁所以如果你下一次睇醫生嘅時候都可以諮詢醫生有關呢一方面嘅資訊。