仍然好擔心 影響曬生活

喺7/4嚟完m,11/4做咗一次,有帶套跟足程序帶,冇內射中途安全套都冇甩 18/4有少少啡色分泌物 19/4有啲鮮紅色血有血塊,好似月經但冇咁多,足以蓋了成塊護塾,嚟咗十日但不知是否月經。
20/4 同 29/4驗孕都negative,但今日多了分泌物及下腹少少唔舒服,如果嗰十日係嚟m,現在是否排卵期?但好似早咗好多排卵期
呢幾個禮拜都成日諗,好擔心有冇懷孕:persevere:

量了體溫朝早36.4晏晝36.7⋯

Hello​:ok_woman:t2:如果性行為過程有使用安全套,安全套都冇穿窿嘅情況,而且你提及都冇內射,其實意外懷孕嘅機會非常低。而且睇返你文字嘅描述,嗰10日都好大機會係月經。仲有就係你喺性行為後11日進行驗孕,結果可以話係非常準確,所以都唔使太擔心。

至於而家係唔係排卵期,因為都有好多因素影響月經周期,例如飲食習慣,生活作息,運動量,情緒壓力等,所以都好難準確預計排卵期,都可以話俾你聽其實唔係每位女性每一個月都會同一個時間嚟月經同埋排卵,所以都唔需要太擔心🫶🏻

1個讚

會唔會係cryptic pregnancy驗唔到㗎 cryptic pregnancy機率係幾多 :cold_sweat:

見你有另外開一個post問有關cryptic pregnancy嘅問題,同事會喺新問題嗰邊覆你:ok_woman:t2:

1個讚

呢幾日都有腹脹 胸部脹痛同少咗分泌物 但冇嚟m同體溫都偏高 係咪嚟m嘅跡象?:pray:t2:

Hello~你講嘅呢啲症狀全部都屬於經前症狀嚟嘅。如果確定冇懷孕嘅話,咁好大機會你會喺未來嘅一個禮拜內嚟M,暫時可以耐心再等吓先🫶🏻

1個讚

今日睇中醫話高溫嗰日都唔係排卵期,因為只係高咗兩日但嗰日分泌物多咗 ,咁係咪仲未就嚟嚟m?:persevere:
基礎體溫都有少少亂,係咪用錯咗方法紀錄?

多咗分泌物,都係其中一個常見嘅經前症狀,明白呢幾日嘅體溫紀錄,令到你好擔心,但好似上面嘅同事所講,如果驗孕結果係呈陰性,就代表冇懷孕。亦好大機會係因為情緒壓力導致經期仲未嚟,所以唔需要太擔心:ok_woman:t2:

但係多分泌物嗰日係喺2號, 而家分泌物係少咗,所以有少少混亂

我會試吓放鬆心情 :bowing_woman:t2::pray:t2:

1個讚

不過想問下體溫不規律嘅原因

都有唔同原因嘅,除咗上面同事所講嘅經前症狀之外,好似感冒都會令體溫上升,因為係身體自然免疫反應。另外藥物都會令體溫上升~

呢排都冇感冒 只有服用中藥:face_holding_back_tears:

中藥都有機會影響到女性周期的,所以你唔使太擔心,嘗試放鬆一下,因為情緒都會有影響的。

呢排少少腹痛有啲唔舒服 有冇催經方法:persevere:

坊間所講嘅按摩穴位其實有冇效 :bowing_woman:t2:

坊間的確有好多方法聲稱可以催經,例如你所講嘅穴位按摩,或者一啲飲食療法等等,當然係冇傷害身體嘅情況下,都可以因為自己嘅需要去嘗試呢啲方法~

今日有少少血,不過係粉紅色,係月經嗎?

有可能呀~你可以再觀察埋呢幾日嘅情況,如果血量有增多,同埋持續出血2日以上,咁就應該係月經啦!

1個讚