早前身體檢查check到人型支原體同微小脲原體，但沒有任何不適
之後醫生開左4環素7日抗生素 ， 食完幾個星期後再check 多次，但最近醫生叫我返去聽報告， 聽姑娘講仲係detect 到有
乜呢兩隻菌真係咁難清咩，
我有d擔心 會唔會以前曾經醫暗瘡果陣食多左4環素呢隻抗生素搞到清唔到。。。唉
Hello~ 人型支原體同微小脲原體係存在喺人體嘅泌尿系統裏面，有機會導致尿道炎嘅因素。如果你暫時冇任何唔舒服，其實係好事嚟嘅。不過食咗七日藥都清唔到，真係會覺得有啲氣餒嘅
。呢度都會想問吓你平時嘅生活習慣～因為唔斷尾嘅原因有好多，比較常見嘅因素係個人衛生問題。例如有冇每日更換內褲，同埋清洗陰部嘅習慣等等。如果有裸睡嘅習慣嘅話咁就要經常更換床單同被袋。另外性伴侶嘅衛生習慣都有機會係唔斷尾嘅原因，因為無論男性定女性都有機會係人型支原體同微小脲原體嘅攜帶者，所以如果你嘅性伴侶都有呢兩樣嘢，而佢又冇恆常清潔性器官嘅習慣，咁就有機會造成乒乓波形式嘅交叉感染，令到你無論點食藥都清唔到。當然，如果身體對呢隻藥物已經建立左抗藥性，咁都有機會係一個原因嚟嘅，咁你下次複診嘅時候可能就要同醫生講，叫佢換過第二隻藥畀你。正常情況下其實人型支原體同微小脲原體係唔難清嘅，通常一至兩個禮拜就可以完全清晒，不過當然要排除晒以上嘅種種隱憂先至可以做到啦！
聽你咁講我換哂d底褲先！！
另外 因為我發現呢兩隻菌 我己經冇再行房， 而佢都check 左冇呢兩隻野， 我都係醫好哂先再行房！
不過我想問 我幫佢口交， 會唔會傳播到比佢呢？ 另外 如果佢check 唔到既話 有冇可能佢都係帶菌 再傳入我口到， 令到我尿道同生殖器都有呢？ 因為我都唔知隻菌 係點樣寄生
因為你講嘅呢兩隻菌都可以通過喉嚨嘅黏膜組織傳播，所以如果你幫你男朋友口交嘅話，其實都有機會傳染到俾佢
，咁樣都係有機會造成乒乓波形式嘅感染㗎！都明白係有啲困難嘅，但係喺好返之前最好暫停任何形式嘅性接觸，如果唔係就真係好難斷尾㗎喇！
1個讚
同埋好想知 有人話呢兩隻菌人體好可能都有， 有d說法話性病， 有d又話唔係， 但點解醫生多數會叫人食藥 去清左去既？
因為唔檢查 都唔會知有呢隻菌、 加上佢冇病徵。
呢兩隻菌唔算係性病，因為佢哋係非淋病性，不過如果唔理佢，大量繁殖嘅話，有機會會導致發炎，即係尿道炎，陰道炎等等，所以最好清咗佢。
1個讚