rigevidon 樂必靈避孕藥問題

婦科醫生之前配咗呢個牌子嘅避孕藥比我 但網上唔見有人點提過呢隻藥 上網search先知道原來呢個牌子係第二代避孕藥, 想問下呢個牌子嘅避孕藥信唔信得過同埋服用最新一代避孕藥係咪會好啲? thanks

Hello~首先,因為每個人嘅體質都唔同,所以我哋唔能夠幫你判斷呢隻藥係好定唔好,既然係醫生開俾你嘅,咁我哋就相信專業人士嘅判斷啦!至於二代避孕藥,從科學上嚟講,佢嘅副作用係會少啲嘅,不過當然好似上面咁講,每個人嘅體質都唔同,所以可能都要你試咗一個月先至可以知道呢隻藥啱唔啱你。通常啱啱開始食避孕藥嘅話,頭三個月嘅月經都係會比較唔穩定嘅,同埋有機會會出現各種嘅副作用,例如頭痛,體重增加,嘔吐等等。如果副作用嘅情況好嚴重,或者出現不規則出血嘅情況,咁就有機會係代表呢隻藥唔適合你,咁就需要約醫生複診,睇吓會唔會轉過第二隻藥啦~