月經前尿頻正唔正常架，同埋頭痛，但係分泌物又好少，下腹好少好少痛。雖然係屋企都有飲水嘅習慣，但係好似嚟m前都會特別多尿屙，搞到成日都覺得自己好似有懷孕症狀，上網睇話因為盆腔充血會影響到膀胱，所以容易尿頻，係咪真架？
暫時冇研究證明月經之前會尿頻
，應該係唔關事嘅，或者有機會係心理作用。至於盆腔充血會影響到膀胱，所以容易尿頻，係有咁嘅講法嘅。不過呢個情況多數係發生係已經懷孕好幾個月嘅孕婦身上，同你嘅情況唔吻合，所以應該係唔關事嘅，唔需要太擔心。
1個讚
我而家一直有嚟m嘅感覺，例如肚痛、下腹痛同胸漲，但係又冇血，真係好擔心
因為我睇返計月經嘅app，我已經遲咗兩日，越睇越焦慮，不過個app並冇計到我食緊避孕藥，所以其實個app係咪唔準架啦，我而家係停藥第四日，都冇話流啡或者有血絲，只係feel到下腹痛。我一直都有準時食藥，同埋性行為都有帶套加檢查有冇穿，但係就好驚會唔會有精液流出嚟，每次做完都會洗手之後摸下自己下面再聞係咩味，都係我嘅味道或者套嘅潤滑油，即係冇味嘅。會唔會有懷孕嘅機會？
其實app最主要嘅作用都係提醒你幾時要食藥，幾時要停藥，同埋記錄低你嘅經期狀況。佢嘅預測功能其實係唔準確嘅，因為好似我哋之前咁講，月經係受着好多唔同因素影響嘅，所以其實每個月都唔同，係好難去預測究竟幾時係排卵期，或者幾時會嚟經期等等。睇返你嘅情況，因為有做到雙重避孕，所以懷孕機率其實真係好細嘅。如果真係擔心嘅話，可以係最後一次性行為之後嘅11日進行驗孕，到時個結果就最準確，基本上驗一次就已經可以知道有冇懷孕㗎啦！
1個讚
我頭先去廁所見到底褲有血，一小灘血似朱古力色，不過有少少紅係中間，墊咗m巾之後隔多陣去廁所又冇血，只可以用紙巾抹到，咁呢個係咪嚟m，因為有m痛。係咪食避孕藥搞到內膜太薄，所以冇咩血流出嚟，驚係著床出血或者點狀出血。食避孕藥頭三個月嘅月經係咪會比較不規律
冇錯呀，食避孕藥嘅頭三個月經期都係會比較唔規律嘅。同埋因為避孕藥本身有調經嘅作用，所以出血量變少都係正常嘅，有啲人食咗避孕藥之後甚至乎會冇出血，而呢樣嘢係根據個人體質會有唔同嘅，所以都屬於正常嘅情況。暫時建議可以再觀察吓先，如果血量慢慢變多嘅話，咁就可以排除着床性出血同埋點狀出血嘅可能性。因為以上呢兩種出血嘅出血量都係比較少嘅，通常一塊護墊都裝得晒，所以要用到M巾嘅話就可以肯定唔係呢兩種出血啦！
1個讚
唔好意思，我想知道體重會唔會影響避孕藥嘅藥效架啦？
體重對於避孕藥嘅影響係不大的。雖然有研究顯示BMI較高嘅人士避孕藥嘅效果會低過一般用家，但係其實差距不大，所以唔需要太擔心。如果有疑問嘅話，都可以問返開避孕藥比你嘅醫生，因為佢應該最清楚你嘅情況。記住我哋講緊嘅唔係體重，而係BMI，係需要考慮埋你嘅身高嘅～
1個讚