舌頭尖 白色膜

前排發現 舌頭有齒輪印、 同埋舌尖位 有一個白色既細細地既白膜 望落似平時生飛之果隻色再淡色d 但唔係腫同痛、 唔係凸同凹, 摸落係平既

好奇有冇好似我咁? 或試過呢!?

上網查過類似白斑/扁平苔蘚?
話身體唔好、 唔夠訓等之類?

Hello

舌頭有一層白色薄膜,或是有白色點點,可能係無做好口腔清潔、脫水,或者您平常會不自覺用嘴巴呼吸,過量飲酒吸菸等,當然我哋唔係專業人士,唔能夠憑你形容嘅情況而去判斷實際嘅狀況,如果太困擾嘅話,可以選擇求醫。

喺度都想問吓,會有呢個問題係咪因為懷疑自己有性病?例如發生過不安全性行為或者有其他病徵,我哋都主要回應同性健康或者性相關嘅問題,針對其他身體問題,我哋亦都唔太了解,未必回應到,都建議可以到其他醫療專業網站發問,或者可以求醫。

依家只係check 到人型支原體同微小脲原體
暫時等緊覆診。
呢其實半年都check 左hiv 陰道 hpv高低危,尿液 ,乙肝 丙肝 梅毒等 都冇野
但都成日懷疑呢果樣, 一直都心理壓力係到
身體一有小小變化都會諗起係米果d 野。

一時懷疑自己唔係性病 就係口腔癌
之前睇完醫生check 完 冇事 又會去搵身體野去諗其他野。唔知自己呢半年係米有小小憂鬱 :disappointed:

你好~ 其實你已經check 過好多唔同嘅性病/疾病,而家感覺係心理上嘅焦慮感比較困擾,而其實心理狀況都可能會影響身體狀況,就有機會形成惡性循環,越來越擔心~

所以如果係持續擔心會患病,可以安排每年做身體檢查,同埋可以考慮睇中醫調理吓,同時確保自己飲食均衡、睡眠同運動充足,咁身體上應該都會感覺都更加強壯同有力量,咁自然就可以慢慢減低憂慮感喇:)

1個讚

多謝你, 我估自己壓力太大了