事前藥 無套

SEX:: 有關性的
1

我岩岩第一次食事前藥21粒裝 本身經期比較短可能3-4日到就完 經期第一日係20號 經期完係23號 食第一粒既時候係 26號 應該計番周期係第7日

建議食完21粒就休息停藥7日 通常經期係米都會係呢7日內發生？但我本身經期得3-4日 我係米應該係經期完 計番係第5日就再開始食番藥 定照等第8日先食番事前？

關於食事前無套性行為
我想問

  • 如果停藥7日期間做 會唔會有懷孕風險？
  • 或者 休息停藥前既7日做 會唔會有懷孕風險？
  • 姐係套用番好似前7後7安全期既講法 無套係米最安全，要理想既做法？
    因為自己同另一伴都完全唔想生小朋友 我地習慣都帶套 但又想體驗下無套 所以想問下 食事前 但同時想將果懷孕風險減到最低

我知由於我唔係經期第一日就食藥 所以要食大概7日到 先會建立到效用 咁想問係米我食完第一包 停藥休息7日後 再開包新既藥 都係食足7日先有藥效？

另外 自從食左藥事 好似大便次數多左 但唔係話肚瀉/食完短時間即刻柯 只係比平時去得多左 會唔會咁令到事前藥冇左藥效？定係呢個係其中既副作用？

Thx

2

Hello~等我逐題答你啦！

  1. 如果停藥7日期間做係有懷孕風險嘅，不過機率好低，同喺其他日子做係冇分別嘅，因為雖然事前藥嘅作用係抑制排卵，但係都唔係百分百保證唔會懷孕，所以就算喺月經周期裏面嘅任何一日進行性行為都仲係會有懷孕風險嘅。不過喺停藥期間身體會出現撤退性出血嘅情況，同平時嚟月經係差唔多嘅。之所以唔會叫月經，係因為事前避孕藥會抑制排卵，所以同平時因為卵子冇受精而嚟月經唔同，出血量同埋嚟嘅日數可能都會少啲。當身體出現出血嘅情況嘅時候，其實唔建議進行性行為嘅，一方面因為難清潔，另一方面容易造成感染。

  2. 同上，只要藥效已經建立左嘅話，咁之後無論係邊一日做，個懷孕風險都係一樣咁低嘅，基本上唔需要擔心懷孕。

  3. 雙重避孕當然能夠將懷孕風險再降低啲。我哋都可以俾返個參考數字你嘅：全程正確佩戴安全套嘅避孕成功率係高達97%嘅，而每日準時服用事前避孕藥嘅話，避孕成功率係高達99%。所以如果兩個方法一齊用嘅話，咁就真係好穩陣🫶🏻。當然，就算淨係用其中一樣，懷孕風險都係好低嘅，所以唔需要太擔心。

  4. 停藥七日之後唔需要再食七日先有藥效嘅。之所以係頭一次服用需要頭七日去建立藥效，係因為唔能夠排除喺月經期間（即係未開始食藥之前）排卵嘅可能性，但係當你已經食咗一個月之後，正如我上面咁講，你嘅身體係冇排卵嘅，咁就唔需要再等七日先有藥效。

  5. 至於大便次數多咗，暫時冇研究證明係副作用之一。只要唔係肚屙嘅話其實都唔需要擔心影響藥效嘅。

希望以上嘅資訊幫到你🫶🏻

1個讚