會唔會係cryptic pregnancy驗唔到㗎 cryptic pregnancy機率係幾多 
係咪cryptic pregnancy驗孕棒會顯示negative?
你好～
Cryptic pregnancy 其實係指唔為意自己懷孕，例如因為長期經期不穩定，所以好耐冇嚟M 都唔察覺有異樣；以為嘔吐係因為食錯嘢／病咗；肚變大以為係肥咗；又或者完全冇懷孕症狀所以亦都冇諗過有呢個可能性～ 好多Cryptic pregnancy 嘅例子都係因為冇諗過懷孕嘅可能，所以一直都冇過驗孕，直到孕期較長嘅時候先發現到～ 所以其實唔係Cryptic pregnancy 驗唔到，而係符合呢個定義嘅人都冇驗過～
所以如果你擔心自己有懷孕嘅可能，只要你喺性行為後嘅11日後，根據返說明書指示咁去進行驗孕，個結果就係準確架喇～
希望以上回覆幫到你：）
1個讚
5月4號用電子驗孕棒驗，冇用晨尿但用咗兩個半鐘冇飲水嘅尿驗是否準確？
Hello
只要係性行為後11日進行驗印孕，而且係使用電子驗孕棒，即使唔使用晨尿，結果可以話係非常準確。
1個讚
但係點解網上會有人話隱性懷孕都可以會有規律月經？
仲話可能月經延遲少少血量有少少變化都有機會係
我就算嚟咗m會唔會都有機會隱性懷孕？
因為發現今次月經血塊係變咗好細一粒 平時係形狀大少少
隱性懷孕會唔會有基礎體溫高、脈搏變化等跡象？
Hello 一般嚟講，你喺性行為11日之後驗咗孕係陰性嘅話，就已經可以放心，釋除左懷孕嘅機會。而好多情況都會導致月經有變化，例如你最近嘅飲食習慣，生活作息，運動量，情緒壓力等等都會有影響到，所以都唔使太擔心。
而隱性懷孕係非常非常低機率會發生嘅事，都唔需要太擔心會有呢個情況。而且真係有隱性懷孕嘅人都會體重變重呢種變化。
1個讚
月經過後胸部仍有少少脹痛係正常嘅情況？
最近一緊張就會冇晒胃口
明白你哋係十分可信的 但自己好難放鬆 一有少少異樣就會亂諗
月經過後仍然有胸痛嘅情況係比較少見嘅，可能係因為心理壓力同埋生活習慣所引致。一般嚟講只要唔係痛得好犀利，係可以唔使理會嘅。當然亦都要留意係咪平時着開嘅胸圍太緊，或者尺寸唔啱，所以先會有呢個情況
。
係觸碰到時有少少痛
今日有少少啡色分泌物唔知係咪月經未清定又早咗排卵期
咁應該唔使擔心嘅，可以再觀察下先～
如果幾日後情況仲係咁，有冇機會係有懷孕？
唔會嘅，因為懷孕導致嘅着床性出血只會出現1-2日，同時出血量係比較少嘅，基本上一塊護墊就能夠裝得晒。所以如果過咗2日都係呢個情況嘅話，咁就可以肯定係排卵期出血。加上你已經嚟咗月經，所以已經可以好肯定唔係懷孕，唔需要咁擔心～
1個讚
今日發現乳頭黑咗係唔係正常唔係成個乳頭黑淨係個頭黑咗
Hello~其實乳頭嘅顏色係受好多因素影響嘅，例如黑色素沉澱，荷爾蒙水平變動，同埋同衣服磨擦等等。同懷孕係冇直接關係嘅，所以可以放心🫶🏻
1個讚
Hello而家胸部仍然係按落去有少少痛 而且好似有啲頻尿 一飲完嘢就去想去廁所 但沒有分泌物同體溫高唔係排卵期 咁樣係咩情況都係冇懷孕嘅可能性？而且我5月4號傍晚時用電子驗孕棒驗 唔知尿夠唔夠多（唔知夠唔夠5秒）而且只係兩個半鐘冇飲水就去咗驗 都係準確？
而家冇痛但係好似軟咗？懷孕初期胸部係點軟法
有時例如尿頻呢啲情況，係可能自己太過緊張，俾咗自己太多情緒壓力，而影響咗身體狀況。而其實你5月4號用咗驗孕棒驗過，距離你上次性行為都起碼過咗14日以上好多，所以就已經好容易驗到準確㗎啦。唔洗太擔心。至於懷孕初期嘅胸部狀況，因為每個人嘅情況都好唔同，所以都好難答得到你。