你好，我13/4 開始食政府開既Microgynon 28日避孕藥，但我睇錯咗啲指引食錯咗！
本身2/5開始食白色大粒到8/5，但我2-3/5都食錯咗細粒黃色， 而4-6/5都係食白色大粒，係今日先發現食錯，而家仍未嚟M
想請問我應該跟包裝 7-8/5都食大粒，9-10/5 食細粒？定要補返大粒呢？
麻煩你地，新手一名未試過食，但因為專科醫生開，好難揾返佢地問 希望可以解答
感謝！
Hello
請問醫生請你2/5開始食第一粒藥，係因為嗰日你第一日嚟月經嗎？另外醫生只係配左一個月嘅藥俾你？定係配咗幾個月嘅藥俾你？
因為照你嘅描述，似乎補食返到未必有作用，因為係2/5-8/5期間都已經食咗黃色藥丸。所以我哋建議最有效嘅方法係等到下一個月先重新開始食藥，意思即係嚟緊嘅日子你都先暫停食任何藥丸。當然你都可以聯絡配藥比你嘅醫生同佢講返你呢一個情況，或者喺下次複診嘅時候同佢講～另外都建議之後重新開始食避孕藥嘅時候，可以幫自己做一啲記錄，咁就唔使驚會食錯藥丸啦～
醫生配咗1年藥比我，因為我本身婦科病醫生建議我食，但下次覆診係下年
我13/4第一日月經開始食第一粒，suppose 第20-26日係白色大粒藥，但我第21-22日食咗黃色細粒，第23日先食白色
不過我今日好似有啲血，應該嚟M。我係咪應該今日開始重新食過？
感謝你解答
如果醫生話喺月經第一日嘅時候食，咁你可以今日開新一包藥嚟食。都建議你嚟緊食藥嘅時候做好一啲標記，咁就可以避免再食錯藥啦～
多謝回覆 我以後會做標記