好似唔順暢咁，有咩方法可以順暢d 來
我做完手術應該好順咁來，都唔係少少咁來
Hello
就咁睇你嘅描述唔係太清楚你嘅情況，介唔介意講多少少係點樣唔順暢？亦都見你提及話有做過手術，係指邊一方面嘅手術？
係少少咁來，之前因為經量多做手術
每一次來經都唔係好順暢咁來拖幾日先來
但好似做完手術之後，今次經期都係好少好少咁來
上個月好正常
因為都唔清楚因為經血過多而做嘅手術，喺做完手術初期會唔會出現類似你咁嘅情況，所以都建議你可以諮詢返提你做手術嘅醫生，可以同醫生講返呢一個情況持續咗幾耐，有冇伴隨住身體其他異常情況
做完手術都2年，有瘜肉
先經量多,上個月6號來完經
到咗今日都冇
如果係咁都建議你可以諮詢返幫你做手術嘅醫生啊，同醫生講返呢一個情況，睇下係咪正常嘅副作用定係需要再番去覆診
每年都有檢查既，不過非經期出血情況係密咗
上個月我6/4來咗，今個月都未來
Hello～呢度想問吓你平時有冇記錄自己月經嘅習慣？因為如果月經周期偏長嘅話（例如35日一個周期），咁就算到而家都未嚟月經都屬於正常嘅範圍，可以再等吓先。至於經血量個方面，就真係要查詢醫生先至知道
，因為我哋始終都唔係最清楚你身體狀況嘅人，所以問返醫生嘅話會最可靠。
我既週期係耐既，每次放假都會準時來
之前我都講咗冇來經係食西醫開既藥先來
上一次好耐都唔來，可能因為多囊關係
我都減緊體重
如果係咁嘅話，可以再耐心等吓先～因為對於多囊嚟講，月經係比較唔規律嘅，甚至幾個月先嚟一次m都係好常見嘅，所以唔需要太焦慮。
App話明日來m
到以加都冇，多囊好麻煩
明白月經唔規律呢個問題好困擾你，除咗醫學上面嘅幫助，亦都可以觀察自己喺情緒方面需唔需要專業人士嘅介入
可能壓力大，都會既
我一放假就會來m既
1個讚
除咗上面講過嘅一啲醫學原因或者身體狀況，情緒壓力、生活作息、飲食習慣等等，都好可能會影響到月經。你可以暫時觀察住自己先，如果有需要覆診嘅時候再同醫生講番你嘅情況，或者如果你覺得真係好困擾嘅話，都可以主動睇醫生了解返情況。
上個月6/4 來咗
今個月都冇來到，都遲咗10幾日
對於多囊既人正常嗎？
好似我哋之前咁講，有卵巢多囊症嘅人月經係比較唔規律嘅，好多時都會出現遲嚟，甚至唔嚟月經嘅情況，所以你呢種情況都係正常嘅～不過見你咁擔心，其實都真係建議你搵返專業人士去商討，睇吓有冇更好嘅改善方法，咁就唔使成日擔驚受怕