想問吓呢幾個問題
- 量度基礎體溫，可否用耳溫槍？
- 可否喺唔太一樣的時間量度？（假日的時候比較遲起身，平日六點起身假日十一點幾
- 喺瞓唔夠六至八個鐘嘅時候量出嚟嘅體溫準唔準？
Hello
如果用耳溫槍量度基礎體溫，就未必太準確，因為一來用耳仔探熱本身就唔係最接近到身體溫度嘅探法，至少唔及肛溫同口溫更接近身體真實溫度；二來耳溫槍一般都係探到小數點後一個位，就去唔到小數點後2個位咁準確。
另外，當然最好係可以每日係同一時間量度基礎體溫，咁樣會係最準確。但如果有時遲啲起身，咁都可以照樣係起身時即刻量度，當然就唔會係最準確，但就起碼唔會影響到生活作息同睡眠質素。呢個位想要點做就留返比你自己決定啦。最後有關睡眠時間，至少要連續熟睡到4個鐘，基礎體溫先會夠準確。
如果開冷氣瞓會唔會影響到
開冷氣呢方面，唔少醫生都會話影響唔大，但都有人話試過會輕微跌咗少少基礎溫度，當然都有人話自己基礎溫度冇跌到。如果真係天氣太熱頂唔順，都唔建議為咗少少影響就唔開冷氣，到時可能熱親就唔太好。你都可以選擇記錄基礎溫度嘅日子期間一直都開冷氣，咁個紀錄就唔會受有冇開冷氣呢個因素而有所影響；或者如果有啲日子又開冷氣，有啲日子冇開冷氣，咁你記錄嗰陣都可以mark返邊啲日子係有開冷氣，邊啲日子係冇開冷氣，咁個記錄都會好啲，亦都容易啲分辨到自己基礎體溫係咪有受到咩其他因素影響。
想問問如果瞓唔夠四個鐘個體溫會唔會都有參考價值
同埋喺應該排卵期嘅時候冇高溫係唔係都係正常？
睡眠不足的確可能會影響體溫變得異常。至於排卵期時候嘅體溫，其實因人而異，每一位女性出現嘅症狀都唔一樣，所以好難有一個準確嘅答案～
另外我想問問今次預測有排卵嗰日冇乜分泌物又冇基礎體溫高 但上一次冇懷孕嘅話應該係有正常分泌物多及高溫 點解會有時有排卵跡像但今次又冇？定係今次只係遲咗排卵
如果你平時排卵期都會有分泌物增多同埋體溫增高嘅情況，咁可能係因為排卵期遲咗。因為排卵期唔係固定嘅，佢甚至可以同月經重疊，所以我哋都好難預測究竟幾時排卵。
我有時會出血又有時會冇高溫
如果有出血但無高溫，都可能係排卵期的，所以只要周期係正常，就唔使太擔心。因為排卵期唔係我地可以準確用肉眼預測到，而高溫或出血都只係排卵期既一啲可能出現狀況，亦唔等於一定係排卵期。如果要準確知道排卵期，都係需要搵醫生檢驗先可以準備知道的。