好想相信會冇事，但心底裡仲係會介意。
男友有主動同我講過佢個ex係咩人，點解會散，有講到佢地一齊咗好多年，好似親人但唔再有愛。
而佢曾經主動同我講佢覺得ex仲未放低佢，唔想令對方誤會，所以唔想見面。
個陣時都好放心，亦因為佢ex屋企有啲特殊情況，之後都有段時間會離港。
我係一個絕對唔會好八卦 或者發脾氣咁追問好多佢過去嘅事嘅人，但從佢講嘅野入面，我知佢個ex已經變成一個幾重要嘅朋友，而佢ex屋企有啲難題，男友同其他朋友一樣唔會坐視不理，我代入男友角度諗，我都理解。
最近無意中見到佢地有傾計，只見到有send youtube片俾我男朋友睇。我對於佢地有傾閒偈完全唔意外，唯一介意嘅位係有問過男友呢個人係邊個（個陣唔知係ex）
但佢只話係朋友
咁其實依加都真係朋友既。
可能本身男友都有種當我係全世界、有求必應嘅類型，我唔信佢會不忠，都嘗試諗佢唔同我解釋咁多嘅原因，正如我都刻意唔提起我同男性朋友嘅互動趣事。
但無論咩原因都好，始終都有少少介意，我唔打算攤牌，但都會反問自己 係咪我太大方？