好擔心有啡色分泌物

我2月8號至2月13 有尼m,之後情緒唔穩定 ,3月直接冇尼m,前後驗孕咗兩次都冇懷孕,應該係內分泌失調, 去到4月13號至19號終於嚟M
4月28號同29號都分別有帶套做,之後都有裝水去check,去到5月7號突然之間有啡色分泌物。好擔心會唔會係我之前三月冇嚟M而家排返啲污糟嘢?定係呢啲係著床嘅出血:sob::sob:,上網睇同懷孕初期嘅血好似,但明明真係好安全:sob::sob:好驚點算,上網睇過有呢啲情況可能係排卵期出血,但我喺app度睇我個排卵期正常應該4月26至5月2號,我5月15號係預期嚟M日子,但我一直以為5月7號嗰陣係嚟M,純粹係啡色,但只係得好少血同2 3日就冇:sob::sob:會唔會係有咗?:sob::sob:定我仲係內分泌失調緊所以先係咁,但我已經4月嚟咗M係咪代表已經冇失調?:sob:
好驚又因為咁樣情緒唔穩定之後有事又內分泌失調,如果五月一直都冇嚟M都唔知點算。。。。
會唔會有咗?:sob::sob:

同埋想問吓因為之前我有試過食yaz 事前避孕丸,食咗一年幾,後尾發現小腿好似有少少靜脈曲張之後就唔敢再食,但都唔肯定係咪因為個避孕丸搞到咁,仲有啲咩方法可以避孕除咗用套?自從停食就每次都好擔心ಥ_ಥ

我係4月30號咁啱中咗肺炎會唔會都有影響?:smiling_face_with_tear:

Hello~ 首先,月經係受住好多唔同因素影響嘅,飲食、運動習慣、生活壓力等等,都會令月經遲嚟/唔規律。如果你以往嘅月經都正常,係突然3月冇嚟,咁建議你睇一睇醫生,做個詳細嘅婦科檢查。因為月經遲咗3個星期以上屬於唔正常,有機會暗示身體有問題。因為你話嗰次前後都有驗孕,之後4月亦有嚟m, 咁應該可以排除懷孕嘅因素。反而要留意係咪有子宮類嘅疾病,例如卵巢多囊症等等。詳情可以參考:https://www.famplan.org.hk/zh/our-services/clinic-services/women-health/women-health-service/fee

另外,你話

咁應該可以排除懷孕嘅可能性嘅。因為正確使用安全套,個避孕機率係可以高達97%嘅。加上有灌水檢查清楚,咁懷念機率係好細嘅。如果你真係好擔心嘅話,可以喺性行為嘅7日或11日後進行驗孕,驗孕棒最早可以喺性行為嘅7日後驗出初步結果,而喺性行為嘅11日或以後驗出黎嘅結果係最準確嘅。即係話而家進行驗孕嘅話就已經可以確定有冇懷孕。

至於出血,因為排卵期係會因為身體嘅狀況而改變嘅,即係話每一個月經周期,排卵期嘅日子都可以係唔同嘅。排卵期甚至可以同月經重疊,所以如果你睇app嗰個判斷未必係最準確嘅。你嘅情況的確可以係排卵期出血,亦都可能係着床性出血。最快捷判斷係邊種嘅方法就係驗孕。

而內分泌失調嘅問題,我哋單靠月經係好難知道你而家整體嘅情況嘅。不過內分泌失調嘅問題係唔會,因為你嚟咗一次月經就冇嘅,佢係成個人整體嘅問題。就算月經好規律都好,都可以有內分泌失調嘅問題。而內分泌失調都唔淨只影響月經,仲可能會導致體重變化,皮膚問題,睡眠習慣改變等等。當然情緒唔穩定除咗係一個導致內分泌失調嘅因素之外,亦都係一個內分泌失調所導致嘅結果。所以呢度會建議你先驗孕,確保自己冇懷孕之後,再去家計會做個詳細嘅婦科檢查,同時亦都可以check吓自己係咪真係有內分泌失調嘅問題,再同醫生商討下可以用咩方法去調節。

至於你話

呢個副作用就比較少見,所以應該唔係避孕丸嘅副作用,會唔會可能係因為疫情期間郁動比較少,坐喺度嘅時間比較多,所以導致靜脈曲張?

除咗用安全套,同埋食避孕藥之外,你都可以考慮打避孕針,或者放置子宮環,呢兩種方法嘅避孕機率都可以高達99%。詳情可以參考以下網址:https://www.famplan.org.hk/zh/health-info/contraceptive-methods/injectable-contraceptives

https://zenithmc.com.hk/避孕針vs子宮環/

生病當然係有影響嘅~雖然暫時冇證據顯示肺炎會影響月經,不過我哋有唔少用家都反應中咗肺炎之後月經係有延遲嘅,所以你可以驗咗孕先。如果確認冇懷孕嘅話,咁就可能需要耐心再等下月經嘅到來啦!

我5月7號已經有啡色分泌物
每次都係抹嘅時候有啲好似白帶質地但啡色咁
之後有用m巾 都唔算好多
每日都keep住有dddd
但持續咗3日就冇乜
但今日去廁所 係朝早第一次去廁所 一用紙巾抹又有少少白帶質地但啡紅色嘅分泌物
但我塊護墊又冇嘢 要用紙巾抺先有
我抹多幾次就愈尼愈少 真係好少好少
咁仲算唔算係著床出血:smiling_face_with_tear:

着床出血其實唔係一個常見現象,著床出血嘅出血量其實係好少,小都係可能得一兩滴,而且都只會係一兩日就冇。另外,如果有着床出血,都可能會伴隨住有輕微而短暫嘅腹痛。你都可以留意吓你有冇以上講嘅呢啲情況。都明白可能係會好擔心,因為可能都會好似有啲似,有啲又唔似咁。

所以其實最好嘅方法就係買支驗孕棒驗孕,因為距離你對上一次發生性行為都已經有11日,已經係可以驗到好準確嘅結果。你而家驗都可以知道自己有冇懷孕。如果驗到係冇懷孕嘅話,其實都已經可以排除到呢個係着床出血嘅可能性。如果真係好擔心係唔準嘅話,都可以買多支驗孕棒,如果兩支驗孕棒都驗到唔係有懷孕嘅話,都可以係100%肯定係冇懷孕啦。

我5月19號用驗孕棒check過一次,記得夠3分鐘嘅時候就睇結果已經係得一條線,之後好似都冇特別再望過支避孕棒,放返入個盒到,
第二日準備抌嘅時候再八卦望返 發現有條勁淺勁淺嘅半條線。。。會唔會其實我係有咗:sob::sob:到而家都仲未尼m好緊張 已經遲咗20日。。

之前有啡色嘅分泌物如果係因為排卵出血 點解到而家都仲未有m,成日都凝住好似有好多分泌物流緊出嚟,但又唔係真係有血。。。
同埋呢排個胸好似脹脹地有啲痛,同埋子宮都係有少少像然後腳又有少少痺,係好似以前會嚟M之前嘅症狀,但平時一腳痺就會即日有M,但點知呢個狀況已經持續左兩三日到而家都仲未有:sob:我要再去check多次?定真係關中肺炎事:sob:

同埋之前有講過我有靜脈曲張嘅問題,我上網check咗好多資料發現其實可能有啲雌激素會影響血管,咁我想問如果我呢個情況如果唔想裝避孕器同淨係安全套嘅話,嗰啲單一避孕丸同埋避孕針適唔適合我呢啲有少少靜脈曲張嘅人使用?:sob::smiling_face_with_tear:
唔使成日咁不安,好想自己都保護下自己 等自己安心啲

Hi​:smiling_face_with_tear:?

有關你5月19號驗孕嘅結果,其實驗孕棒嘅結果只會係喺說明書寫到明嘅有效時間來睇先為之準確嘅答案,如果已經擺咗喺度成日,第二日再檢查,其實嗰個結果已經唔準確,所以如果你驗完3分鐘之後睇結果係呈陰性嘅話,呢一個會係最準確嘅答案。

至於你已經遲咗20日冇黎月經,明白會好焦慮同埋不安。但好似上面嘅同事所講,其實中肺炎之後,有好多女性都指出月經周期變得唔穩定,例如會遲咗好多日嚟月經,月經嘅血量,同埋嚟嘅日數都會有所改變,所以好大機會係關中咗肺炎事。

至於有關避孕藥方面,我哋一般都會建議喺食藥之前先諮詢醫生嘅意見,因為並唔係每一種藥都適合所有女性食,醫生都會同你做一個簡單嘅身體檢查,然後配最適合你身體嘅藥。所以都建議你諮詢醫生意見之前都可以同佢講番你身體而家嘅情況,咁就唔需要太擔心啦:ok_woman:t2: