我上兩次同女朋友仆嘅時候性器官安全冇接觸過，再加上有用安全套，然之後先體外射精，事後check condom係冇流水，咁樣算唔算安全？
Hello~只要有正確咁使用安全套嘅話，個避孕記錄係可以達到97%嘅。可以講係非常安全，所以唔需要咁擔心🫶🏻。加上你話你哋嘅性器官冇直接接觸，同埋係體外射精，咁嘅話基本上係冇懷孕風險嘅。
女朋友今日底褲少出血，我今日又幫佢手交過，我奵驚，我唔知係嚟m d血，都係著床懷孕出血，好驚…求解答。。。
其實著床出血代表啲咩？
究竟嗰啲係着床出血定係嚟m前出血…
Hello~不如我先解釋咩係「着床性出血」，之後再分析你哋嘅狀況呀
「着床性出血」其實係指精子同卵子結合，受精卵附着喺子宮壁後嘅少量出血情況。因為受精卵需要6-9日嘅時間着床，所以「着床性出血」通常於性行為後第10日出現，而血量會比較少，係一張護墊足以盛載嘅，同埋只有一次性出血。
所以如果出血嘅情況出現係性行為9日後，咁就大機會可以撇除係著床性出血。你都可以問問女朋友，佢嘅狀況同着床性出血特徵脗唔脗合
同埋女性下體出血，除咗係嚟m或着床出血，都有可能係荷爾蒙改變等等唔同原因，都可以留意吓佢最近嘅生活狀況
同埋正如上次同事所講，你有使用安全套，你哋嘅性器官無直接接觸，並體外射精，懷孕風險極低，所以都唔需要太擔心
我哋9/5有過性行為，佢22/5下面流血，算唔算着床出血？
Hello~好似上面咁講，「着床性出血」通常於性行為後第10日出現，而血量會比較少，係一張護墊足以盛載嘅，同埋只有一次性出血。睇返日子係對唔上嘅，所以應該唔係着床性出血，比較大機會係排卵期出血，屬於正常嘅情況，唔需要擔心。
另外，如果對於懷孕有好大嘅憂慮嘅話，其實會建議使用其他更高效嘅安全措施，例如事前避孕藥。只要每日都準時服用事前避孕藥嘅話，個避孕機率係可以去到99%以上嘅，咁就算性器官有直接接觸，甚至內射，都唔需要擔心懷孕。當然呢個就要睇你同你嘅伴侶嘅意願同共識，加上避孕丸唔係個個都適合服用，所以喺食之前都建議搵醫生檢查一下身體先，同埋根足專業人士嘅指示服用🫶🏻。
手交係咪都有機會令到陰道出血？
因為我仲係好驚，唔知嗰次係着床出血定係排卵期出血
排卵期出血係咪都淨係會出血一次？佢都淨係出血咗一次
首先都可以排除係著床出血嘅可能性先，原因就好似上面同事所講咁
至於排卵期出血，唔同人都有唔同情況，有啲人係完全冇出血，都有啲人會出血一次，都有人會出血出幾日咁，不過一般而言血量都係輕微。
另外，都有機會係手交時，可能未有剪指甲或者指甲比較鋒利，或者姿勢、力度等等各樣原因唔小心整到陰道，都可能令陰道有傷口而出血。如果係接近號出血之前有發生過呢個情況，就有可能都係手交時刮到，咁最好就暫時唔好發生同陰道相關嘅性行為住啦，比啲時間陰道復原。一般來講大約一個星期左右都可以好返哂。不過如果對上一次同陰道有關嘅性行為已經係去到9號嘅話，就更大機會會係排卵期出血啦。
一定已經可以排除着床出血嘅可能性？
因為睇番你嘅情況，性器官冇直接接觸，懷孕機率係好微嘅，所以基本上可以排除着床性出血嘅可能性。
女朋友今日又有血，想問係點解…
你好，正如上面同事所講懷孕既機會係非常非常低，而且亦可排除係着床性出血嘅可能，不過聽你咁講既情況又唔太似排卵期出血，因為排卵期出血係唔會咁多日，按情況推測有可能係手交令陰道受傷出血。
不過都要問下出血情況，想問下血量多少？
因為都唔排除有其他情況引起出血，例如：其他疾病，所以建議你女朋友觀察多兩三天，如果持續有血，最好都係睇醫生，搵醫檢查一下。不過就已經排除左懷孕既可能，所以唔好咁擔心。
血量唔算多
係點解？
如果血係多代表啲咩＇
Hello 你好啊 如果持續出血嘅話，都可能係月經嚟㗎，你地有正確使用安全套，懷孕機會係好低嘅，而着床出血都唔係常見嘅情況，所以即使有出血，都未必一定係着床出血，唔使太擔心㗎！不過如果唔放心，當然都建議可以去睇醫生！