Hiiii 我1月26號嚟完m之後到今日都冇嚟(10/5)。本身有食開優悅避孕藥，但1月嗰陣撞正新年 家計會排期到2月先有得覆診，所以我食最後一粒係1月頭至中左右。而12月尾嗰陣時又中過Covid。驗過兩枝驗棒都係negative，去過睇中醫㗎啦，睇左三次都冇效。正打算去睇婦科check下，但我係學生唔太負擔到咁貴嘅診金 
想問下有冇咩方法可以做或者有冇平啲啲嘅婦科可以介紹
。麻煩哂
Hello~如果隔咗成四個月都未嚟M，咁情況有啲嚴重，應該即刻睇醫生
。呢度會想問吓你最後一次性行為係幾時？如果距離你驗孕嗰日已經隔咗11日嘅話，咁你Negative嗰個結果應該係準確嘅，可以確保你冇懷孕。但係如果相隔唔到11日嘅話，咁有機會你係因為懷孕所以先至唔嚟月經。雖然機率好細（因為如果已經懷孕三四個月嘅話，應該已經見肚
），但係都會建議你確定自己冇懷孕先至去見婦科醫生。
如果確定冇懷孕嘅話，咁你嘅情況有機會係因為子宮嘅疾病，例如卵巢多囊症等。因為就算之前食過事前避孕藥，停藥嘅當下身體應該就會恢復排卵，就算月經唔規律，都唔應該四個月冇嚟
。如果唔想太貴嘅話可以考慮去家計會嘅婦科診所做檢查，詳情可以參考以下網址https://www.famplan.org.hk/zh/our-services/clinic-services/women-health/women-health-service/fee
另外呢度都會想問吓你呢幾個月嘅生活習慣有冇咩改變？特別係飲食習慣。因為唔嚟月經有機會係因為身體有其他器官比起子宮更加需要能量，而當身體能量好缺乏嘅時候，就會選擇性咁關閉月經。所以唔好介意我問多少少，你最近會唔會有食欲不振嘅情況？或者有冇長期承受好大嘅壓力？如果有以上呢啲情況都有機會導致月經唔嚟，而呢樣嘢係要盡快解決嘅。
希望以上嘅資訊幫到你🫶🏻
近呢幾個月因為最後一個sem所以功課壓力好大
不過都盡量放鬆心情，但始終咁多個月冇嚟每日都好擔心。我最後一次性行為就係一月嚟m前了
Btw我之前打去家計會黃大仙診所同埋青少年保健中心都話只可以幫我驗孕 冇follow up嘅工作，所以以為家計會冇相關服務添～
如果係嚟m前嘅話咁基本上可以肯定冇懷孕，應該係身體因為功課壓力內分泌失調，所以先會咁。
家計會係有婦科檢查服務嘅，不過一啲特別嘅檢查項目，例如子宮頸抹片，就要額外收費。你都可以選擇睇咗家庭醫生先，再拎轉介信睇專科，咁應該會有詳細啲嘅檢查同埋follow up。
好阿 好多謝你嘅意見
1個讚
小小分享，我之前食優悅兩三個月無黎m ， 我去左私家醫院睇專科，幫我做左小小檢查 ， 照到我子宮內膜變薄 ， 所以無得黎m ， 因為我有情緒病 ， 醫生話我唔食得高劑量避孕藥 ， 我同男朋友商量過 ， 決定停食 ， 用返套避孕 。
我而家黎m 都正常返 ， 都好準時 。
所以你要睇醫生，比返d意見你呀。
2個讚
我book左星期二做婦科檢查阿 要800蚊consultation 加500蚊超聲波
，想問下你去私家醫院睇大概幾錢？
我係聖保祿醫院睇，你可以打去問下，我忘記咗！
1個讚
知道你都有財政上既考慮，所以建議你先去私家診所作初步檢查，起碼得到專業評估同大概了解目前情況，可以安心少少。因為私家醫院收費都唔平，應該比診所貴。
1個讚
好多謝你地嘅意見 好好人阿你地🫶🏼