去廁所有血絲

頭先去廁所用濕紙巾清潔下面 發現抹到啲血絲 好驚 唔知係咩黎 抹完第一張抹第二張 都仲有少少
但係最近呢兩個禮拜冇同男朋友性行為 之前性行為都有戴套 會唔會係咩病?
定係排卵期出血?之前都冇試過……
我上一次黎m係4月29
定係因為呢兩三晚通宵冇瞓….
不過今朝明明補左眠 瞓左差唔多7個鐘
好驚

啱啱再用紙巾抹多一次 暫時冇血絲
分泌物都算正常
如果係排卵期出血嘅話 明明之前都冇試過 點解今次無端端會有…?定係着床出血?
最近都冇腹痛或者其他唔舒服


啱啱再check多次 見到啲分泌物係好淡既粉紅色…
真係越黎越驚 完全唔知發生咩事

update 依家分泌物變左做淡啡色…

Hello~睇返你嘅情況,比較大機會係因為排卵期出血,係屬於正常嘅現象,唔需要咁擔心嘅。如果係着床性出血嘅話,顏色應該會偏紅嘅。當然如果你擔心嘅話,可以進行一次驗孕,因為而家距離你最後一次性行為已經超過11日,所以驗一次過結果就足夠準確去判斷有冇懷孕。如果冇懷孕嘅話,咁就可以肯定係排卵期出血啦!除非出血量突然之間變多,或者有好大嘅唔舒服,如果唔係都唔需要睇醫生嘅~

係咪同挨夜有關?:cry:

排卵期出血好多時都係因為之前嚟m嘅時候有啲經血未排出晒,所以先至會去到排卵期嘅時候同分泌物一齊排出。當然,因為捱夜會擾亂身體嘅荷爾蒙分泌,所以都係會影響成個月經狀況嘅。同埋相信你都有聽過,夜晚11點係身體排毒嘅時間,所以只要遲過呢個時間瞓覺,其實已經會影響身體嘅內分泌系統,唔單止會影響月經,仲可能會導致肥胖或者其他皮膚問題。所以如果可以嘅話,盡量減少捱夜,先可以保持身體健康同埋keep住靚靚㗎!

1個讚

知道:cry:多謝你~
(因為之前就算熬夜都冇試過咁 今次係第一次

1個讚