我哋5月27至31去台灣，而我女朋友本身有食開優越嘅，但係我哋計過之後發現去旅行嗰陣時，咁啱係佢嚟m嗰一段時間。所以想問有咩方法可以延遲所以想問有咩方法可以延遲或者提早
Hello~如果係咁樣嘅話，你女朋友可以試吓skip咗中間個停藥期，直接開新一排避孕藥，即係話食完兩排先至嚟M咁。當然，因為每個人嘅身體狀況唔同，所以食嘅時候要留意吓自己身體嘅狀況。如果出現嚴重嘅副作用，例如不規則嘅出血，或者肚痛等，咁就可能要睇醫生啦！
停藥期？食優越唔係一排接著下一排架咩？
Hello~
優悅果28粒藥入面，其實最尾4粒（白色藥丸）係冇藥性的，佢係用嚟俾荷爾蒙水平降低返，令到經血得以排出～ 所以如果想延遲經期，就要skip 咗果4粒白色藥丸唔食，直接開新一排避孕藥繼續食，去到第二排嘅白色藥丸期先再嚟M 咁～
但要留意嘅係，因為長時間食有藥性嘅藥丸，有機會之後出現留啡嘅情況，所以都建議達到延遲經期嘅日子之後，先暫停食有藥性嘅藥丸，等待下一次月經嚟嘅時候再重新開新一盒避孕藥嚟食～
希望以上回覆幫到你：）
唔該曬你哋～但係我想問留啡係啲咩？
留啡即係因為長時間食人造荷爾蒙嘅藥丸，有機會導致分泌物異常，就會出現好似月經，但顏色偏深啡色嘅分泌物。
好的謝謝